Banner

Turizm

Türkiyə ilə Azərbaycan arasında vizasız səyahət - MÜDDƏTİ ARTIRILDI

Türkiyə ilə Azərbaycan arasında vizasız səyahət - MÜDDƏTİ ARTIRILDI | FED.az
13:25 27 Fev 2020

Türkiyə ilə Azərbaycan arasında vizasız səyahət müddəti 30 gündən 90-günə qədər artırılıb.

Eləcə də bax: “Vizanın ləğvi iş adamlarının fəaliyyətinə müsbət təsir göstərəcək” – Səfir

FED.az xəbər verir ki, bunu Türkiyənin Azərbaycandakı səfiri Erkan Özoral açıqlayıb.

O bildirib ki, vizasız gediş-gəlişi haqqında Sazişi Türkiyə Prezidenti Rəcəb Tayyib Ərdoğan və Azərbaycan Prezidenti İlham Əliyevin iştirakı ilə fevralın 25-də keçirilən “Yüksək Səviyyəli Strateji Əməkdaşlıq Şurası”nın iclasında imzalanıb. 

İclasda həmçinin “Güzəştli Ticarət Sazişi” və Naxçıvana dəmir yollarının inşası haqqında razılaşmalar da daxil olmaqla 13 saziş və 1 birgə bəyannamə imzalanıb.

"İki ölkə vətəndaşları indiyə qədər qarşılıqlı olaraq 30 günə qədər turist kimi vizasız səyahət edə bilirdilər. Yeni sazişlə bu müddət 90 günə qədər artırılıb. Bunun nəticəsi olaraq gediş-gəlişlər asanlaşacaq, məhdudiyyətlər aradan qaldırılacaq. Çünki məhdudiyyətlər həm Azərbaycan, həm də Türkiyə vətəndaşların şikayətlərinə səbəb olurdu”, – səfir bildirib.

Report

Digər xəbərlər

Banner