Azərbaycanda Bank Olmayan Kredit Təşkilatları – BOKT-təkcə kredit bazarında banklara alternativ deyil, həm də qiymətli kağızlar bazarının aktiv iştirakçısıdır.

Azərbaycanda ən yüksək və ən aşağı faizlə – KREDİT AYIRAN BOKT-LAR – SİYAHI, MƏBLƏĞLƏR

FED.az xəbər verir ki, BOKT-lar mütəmadi olaraq qiymətli kağızlar bazarına istiqrazlar buraxırlar, artıq bəzi BOKT-lar üçün istiqrazlar, əlavə vəsəit cəlb etməyin əsas üsuluna çevrilib.

Təqribi hesablamalara görə, BOKT-ların buraxdığı istiqrazlar qiymətli kağızlar bazarında 30-40 milyon manat arasında dəyişir və onların həcmi artmaqdadır. Hətta bəzi BOKT-lar istiqraz ödənişlərini yeni istiqrazlar buraxılması ilə həyata keçirirlər.

İstiqraz bazarında ən aktiv qurumlardan biri BOKT "International" ASC-dir, bu təşkiat indiyədək 10 milyon manata yaxın istiqraz buraxıb.

FED.az xəbər verir ki, hər bir BOKT üzrə istiqrazların şərtləri – dövriyyədə olması müddəti, illik gəlir dərəcəsi, faiz ödənişi müddətləri və sair fərqlidir.

Bununla yanaşı BOKT-ların istiqraz bazarında orta illik 15% gəlirlilik səviyyəsi formalaşıb. 

İstiqrazları ilə ən yüksək gəlirlilik təklif edən BOKT "International" ASC, BOKT "Finans Kredit" MMC və BOKT “Falkon Finans”-dır – illik 15%-lik gəlirlilik təklif edir.

Hələlik ən gəlirli istiqraz titulu BOKT "International" ASC-nin 2023-cü ilin sonunda buraxılan 5 illik istiqrazlarına aiddir – 5 illik müddətə buraxılan istiqrazın illik 18% gəlirliliyi var.

Manat istiqrazları üzrə ən aşağı aşağı gəlir təklif edən BOKT- isə "EMBAFİNANS" QSC-dır – illik 11,5%. Bu hətta bank əmanətlərindən də aşağı faizdir. Dollar istiqrazlarında isə “FINCA Azerbaijan”-ın illik 9%-lik istiqrazı mövcuddur. İlk baxışda manat istiqrazlarından daha aşağı gəlirlilik təklif etsə də, əslində dollar üçün ən yüksək gəlir alətlərindən biridir.