Azərbaycan Avtomobil Yolları Dövlət Agentliyi (AAYDA) 2022-ci ilin nəticələrini açıqlayıb.

FED.az şirkətin hesabatına istinadən xəbər verir ki, 2022-ci ildə AAYDA-nın gəlirləri 2 dəfə artaraq 4 milyard 80 milyon manat olub.

2021-ci ildə bu məbləğ 2 milyard manat idi.

Şirkətin xərclərinin 1 milyard 19 milyon manatı material xərclərinə, 119 milyon manat maaş və inzibati xərclərə, 2 milyard 945 milyon manat isə digər əməliyyat xərclərinə, podratçılara sərf edilib.

AAYDA-nın gəlirlərinin 2 dəfədən çox artmasına baxmayaraq 2022-ci ildə qurumda maaşlar demək olar dəyişməyib, əvəzində material xərcləri 330 milyon manat və ya 48%, pordratçılara ödənilən məbləğlər isə 1,7 milyard manat və ya 2,5 dəfə artıb.

AAYDA-nın əsas fəaliyyəti özü-özü ilə müqayilə bağlayıb xidmətlər göstərmək olduğuna görə, şirkətin gəlirləri ilə xərcləri eyni olub  - 4 milyard 80 milyon manat. Nəticədə Agentlik mənfəət və zərər əldə etməyib.