2022-ci ilin 7 aylıq dövründə İstanbula 8 milyon 514 min 806 xarici turist gəlib. Bu ilin eyni dövründə turistlərin sayı 15 faiz artaraq 9 milyon 776 min 635 nəfər olub.
Türkiyəyə gələn turistlərin sayında - REKORD
FED.az xəbər verir ki, bu barədə İstanbul İl Mədəniyyət və Turizm Müdirliyi məlumat yayıb.
Ötən ilin iyul ayında 1 milyon 759 min 506 xarici turistin ziyarət etdiyi şəhər bu ilin iyul ayında 1 milyon 873 min 97 xarici turisti qəbul edib. Belə ki, iyul ayında keçən ilin eyni ayı ilə müqayisədə xarici turistlərin sayı təxminən 6 faiz artıb.
Qeyd edək ki, 2019-cu ilin iyul ayında İstanbula 1 milyon 666 min 319, 2020-ci ilin iyul ayında 301 min 930, 2021-ci ilin iyul ayında isə 1 milyon 130 min 999 turist gəlmişdi.
2023-cü ilin İyul ayında İstanbula hava yolu ilə 1 milyon 823 min 416, dəniz yolu ilə isə 49 min 681 nəfər gəlib.
Ötən ilin eyni dövrü ilə müqayisədə hava yolu ilə gələnlərin sayı 5 faiz, dəniz yolu ilə gələnlərin sayı isə 72 faiz artıb.
Birinci yerdə ruslardır
Ötən ay olduğu kimi iyul ayında da İstanbula gələn 185 min 636 turistlə ruslar birinci yeri tutub. Həmçinin 135 min 568 turistlə Almaniya, 135 min 96 nəfərlə Səudiyyə Ərəbistanı, 105 min 41 ziyarətçi ilə ABŞ, 97 min 352 turistlə İran, 69 min 263 nəfərlə Fransa, 69 min 6 turistlə İngiltərə, 51 min 257 nəfərlə İraq və 45 min 854 ziyarətçi ilə Küveyt, 45 min 257 nəfərlə İsrail, 44 min 273 turistlə Hollandiya ən çox turist göndərən digər ölkələrdir.
İyul ayında İstanbulu ziyarət edənlərin 9,91 faizi Rusiyadan, 7,24 faizi Almaniyadan, 7,21 faizi Səudiyyə Ərəbistanından, 5,61 faizi ABŞ-dan, 5,20 faizi İrandan, 3,70 faizi Fransadan, 3,68 faizi İngiltərədən (Birləşmiş Krallıq) 2,74 faizi İraqdan olub.
Türkiyəyə gələn hər 3 turistdən 1-i İstanbula gəlib
İstanbul ilin 7 ayında Türkiyəyə gələn cəmi 26 milyon 766 min 240 turistin təxminən üçdə birini qəbul edib. (Marja)
