Son dövrlər beynəlxalq aləmdə baş verən hadisələr, o cümlədən Hindistan Pakistan müharibəsi, eləcə də Rusiyanın Azərbaycana qarşı atdığı addımlar Azərbaycana gələn xarici turistlərin sayına təsi r etməyə başlayıb.

Hacıkənddə lüks istirahət mərkəzi tikilir – Hotel, startdart və VİP kotteclər – 300 nəfər işləyəcək 

FED.az xəbər verir ki, 2025-ci ilin ilk yarısında ölkəyə turizm məqsədilə gələn turistlərin sayında azalma baş verib. Azalmanın səbəbi, əsasən Rusiya və Hindistandan gələn turistlərin saynıın azalmasındadır.

Azərbaycanda turizm və restoranlarda işləyənlər orta hesabla 800 manat alır

İlk yarım ilin nəticələrinə görə, xaricdən Azərbaycana turizm məqsədilə 842 min nəfər gəlib. Bu ötən imlin eyni dövryilə müqayisədə 7 min nəfər və ya təqribən 1% azdır. Azalmanın səbəbi Rusiya və Hindistandan gələn turistlərin sayındakı geriləmədir.

Hotellərin gəlirlərinin məbləğinə görə rayonların - RENKİNQİ (YANVAR-İYUN/2025)

Belə ki, yanvar-iyun aylarında Rusiyadan Azərbaycana turizm məqsədilə cəmi 240 min nəfər gəlib. Bu əvvəlki ilin eyni dövrünə nisbətən 56 min nəfər və ya 19% azalmadır. Hindistandan gələnlərin sayı isə 12 min nfər və ya 9% azalaraq 105 min nəfərə düşüb. Ötən il bu rəqəm 117 min nəfər idi.

Rusiya və Hindistan turistlərinin azalmasının səbəbi, son günlər Rusiya ilə münasibətlərin sürətlə soyuqlaşması, eləcə də qısamüddətli Hindistan-Pakistan savaşında Azərbaycanın Pakistanı dəstəkləməsi olub. Buna cavab olaraq bəzi Hindistan turizm şirkətləri Azərbaycana səyahətləri ləğv edib.

Yeri gəlmişkən, Pakistanın özündən Azərbaycana turistlərin sayı 2% artaraq 28 min nəfərdən 29 min nəfərə yüksəlib.

Yarım ildə Azərbaycanda azalan turistlər arasında Küveyt (15 mindən 11 minə düşüb) və Omanın (10 mindən 8 minə düşüb) payı da var.

Əvəzində ilk yarım ildə Türkiyə, Qazaxıstan və Çindən Azərbaycana gələnlərin sayında kəskin artım olub – türk turistlərinin sayı 77 mindən 102 minə (32% artım), qazax turistləri 32 mindən 37 min nəfərə (15% artım), Çin turistlərinin sayı isə 14 mindən 22 min nəfərə (54% artım) yüksəlib.

İlk 6 ayda İsraildən Azərbğaycana əsl axın olub – israilli turistlərin sayı 75% artaraq 11 mindən 19 min nəfərə yüksəlib.

2025-ci ilin yanvar-iyun aylarında Azərbaycana turizm məqsədilə səfər edənlərin ölkələr üzrə bölgüsü