Dəniz nəqliyyatı ilə 2023-cü ilin yanvar-iyun aylarında daşınmış yüklərin həcmi 4 milyon 514,7 min ton təşkil etmiş və əvvəlki ilin müvafiq dövrünə nisbətən 21,7 faiz artıb.
Azərbaycanda təyyarə ilə sərnişindaşımanın sayı - KƏSKİN ARTIB
Dövlət Statistika Komitəsindən FED.az-a bildirilib ki, yüklərin 56,2 faizini neft yükləri təşkil edib. Dəniz limanları tərəfindən 6 milyon 328,2 min ton həcmində yükləmə-boşaltma işləri həyata keçirilib və yüklərin 5 milyon 211,8 min tonunu və ya 82,4 faizini tranzit yüklər təşkil edib. 2023-cü il iyul ayının 1-nə limanlarda qalan yüklərin həcmi 237,3 min ton olub.
Hesabat dövründə bu nəqliyyat növü ilə daşınmış sərnişinlərin sayı 2022-ci ilin müvafiq dövrünə nisbətən 6,1 faiz artaraq 10,5 min nəfər olub.
