2020-ci ildə Azərbaycanda fəaliyyət göstərmiş və illik maliyyə hesabatını açıqlamış 42 BOKT-dan 5-nin bu il yanvarın 1-nə balans kapitalı 10 milyon manatdan çoxdur.
Eləcə də bax: Azərbaycanda 5 BOKT-un aktivləri - 15 Milyon Manatdan Çoxdur
FED.az biznes və maliyyə xəbərləri portalı Renkinq-ə istinadən xəbər verir ki, bunlar “Aqrarkredit” (24,43 milyon manat), “Embafinans” (15,763 milyon manat), “FİNKA Azərbaycan” (15,501 milyon manat) və “M Bulak”dır (13,289 milyon manat).
21 BOKT-un balans kapitalı 1-10 milyon manat arasında, 17 BOKT-un balans kapitalı 1 milyon manatdan azdır.
8 BOKT - “Aset Maliyyə Texnologiyaları”, “Azəri Star Mikromaliyyə”, “Azpul”, “Caspian İnvest”, “Finans Kredit”, “Omni Finance”, “Para” və “Pro Kredit” 2020-ci ilin, 1 BOKT – “Fintrend” isə 2019-cu ilin hesabatını verməyib, 4 BOKT - “Azfinans”, “Azkredit”, “FNC” və “Nas Project” mikromaliyyə bazarına 2021-ci ildə, 4 BOKT - “Azpul”, “Finans Kredit”, “Optimal Finance” və “Prior Credit” isə 2020-ci ildə daxil olub.
***
2019-2020-ci illərdə bazarda olmuş və hesabat vermiş 39 BOKT-dan 20-si ötən il balans kapitalını artırıb. Bunlar “Birkart”, “Kredex”, “International”, “Brand Credit”, “TCF”, “Falcon Finance”, “Regional”, “City Finance”, “PSG Finans”, “İdeal Kredit”, “Finex Kredit”, “Kəpəz”, “MCB”, “TBC Kredit”, “Viator Mikro-Kredit Azərbaycan”, “Azmikroinvest”, “Premier Kredit”, “Aqrarkredit”, “Asel Kredit” və “Qafqaz Kredit”dir. Ən yüksək dinamika “Birkart”da (13,6 dəfə), ən aşağı dinamika isə “Qafqaz-Kredit”də (1,3%) qeydə alınıb.
1 BOKT-un - “Viza Kredit”in kapitalı “Mənfi”yə düşüb, odur ki, onun kapitalının dinamikasını hesablamaq mümkün olmayıb.
Qalan 18 BOKT-un isə balans kapitalı azalıb. Ən çox azalma “Union Kredit”də (99,6%), ən az azalma isə “Embafinans”da (1,1%) qeydə alınıb.
