InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.
EUR
Foreks bazarlarında EUR/USD məzənnəsi keçən həftə 1.1284$-a kimi bahalaşmaqla, son yarım ilin maksimum səviyyəsini yeniləyib. Lakin Avrozonada may ayında inflyasiyanın yenidən son beş ayın minimum səviyyəsinə kimi azalması, avroya olan təzyiqləri yenidən artırmaqla, avro/dollar məzənnəsinin də 1.1124 və 1.1025$-a kimi ucuzlaşmasına səbəb ola bilər. Bununla yanaşı, bu həftənin cümə axşamı Bakı vaxtı ilə saat 16:30-da baş tutacaq Avropa Mərkəzi Bankının mətbuat konfransı da investorların diqqət mərkəzindədir və dünya birjalarında ticarət aktivliyinin daha da artmasına səbəb ola biləcəyi gözlənilir.
GBP
GBP/USD valyuta cütlüyünün qiyməti isə 1.29 - 1.28$ aralığında ticarət edilməkdədir.Funt/Dollar valyuta cütlüyü qiymətinin texniki mənzərəsi üzrə təhlillərə əsasən, qiymətin gələcək günlərdə də sözügedən aralıqda ticarət ediləcəyi proqnozlaşdırılır. Eyni zamanda, cümə axşamı Böyük Britaniyada baş tutacaq növbədənkənar parlament seçkiləri maliyyə bazarlarında güclü dalğalanmalara səbəb ola bilər.
TRY
Türkiyə maliyyə bazarlarında da türk lirəsinin bahalaşması trendində zəifləmə müşahidə edilir. Beləliklə, 3.5068TL-ə kimi bahalaşan lirənin qiyməti 3.50TL-nin altında qalarsa, yenidən 3.5565TL-ə kimi də ucuzlaşa bilər. Türkiyədə inflyasiyanın 12%-ə kimi yüksəlməsi gözləntilərinin türk lirəsinin qiymətinə təzyiq edə biləcəyi gözlənilir.
OIL
Enerji bazarlarında Avropanın Brent markalı neftinin bir barel qiyməti yenidən bahalaşmağa başlayıb. Bazar ertəsi səhər 51$-a kimi bahalaşan Brent nefti 50.73$-a kimi də bahalaşaraq, bu səviyyənin üzərində möhkəmlənərsə, 53.79$-a kimi də dəyər qazana bilər. Amerikanın neft ehtiyatlarının cari ilin maksimum səviyyəsində azalması, neftə olan tələbin yüksək olmasına işarədir və qiymətlərin bahalaşmasına təsir edir.
GOLD
Əlvan metallar bazarında qızıla olan tələb yüksək olaraq qalır. Beləliklə, 1282$-a (41.1 $/qram) kimi bahalaşan qızılın bir unsiya üzrə qiyməti gələcək günlər ərzində 1288$-a (41.3 $/qram) kimi də bahalaşa bilər.
İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.
“İnvest-AZ İnvestisiya Şirkəti” QSC-nin
Analitika Departamenti
“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.
_____________________________________________________________________________
Risk bildirişi.
Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.
