Türkiyənin restoran biznesində mühşüm yenilik var.
FED.az biznes və maliyyə xəbərləri portalı xəbər verir ki, hökuməti restoran və kafelərdə məcburi servis haqqı tutulmasını qadağan etməyə hazırlaşır.
Azərbaycanda restoranların dövriyyəsi - 2 MİLYARD MANATA ÇATDI
Türkiyənin Ticarət Nazirliyi qida və içki xidmətləri göstərən restoran, kafe, şirniyyat və bənzər müəssisələrin müştərilərdən xidmət, süfrə rüsumları və ya bənzər adlar altında ödəniş tələb etməsinin qarşısını alacaq yeni qayda tətbiq edəcək.
Azərbaycanda restoranları ən çox gəlir götürən – 10 ŞƏHƏR/RAYON
Nazirliyin yaydığı məlumata görə, restoran və kafelər müştərilərdən tarif və qiymət cədvəlində göstərilən qiymətlərdən başqa istənilən adla xidmət haqqı və ya hər hansı digər ödənişi yalnız menyuda əvvəlcədən göstərmək şərti ilə tuta bilərlər.
Bununla da Ticarət Nazirliyinin hazırlaşdığı dəyişikliklər müəssisələrin müştərilərdən masa haqları və ya oxşar ödənişlər tələb etməsinin qarşısını alacaq.
Müştərilər öz istəkləri ilə, könüllü olaraq yemək və içki xərcləri ilə yanaşı, «çay pulu» kimi əlavə ödənişlər də edə bilərlər, buna qadağa qoyulmur. Bu qayda, müştərilərə keyfiyyətli xidmət göstərmək üçün restoranlar arasında rəqabəti artıracaq.
Tənzimləmə dəyişikliyi ilə restoranlar, kafelər, şirniyyat evləri və bu kimi qida və içki xidməti müəssisələri artıq öz menyularına xidmət, süfrə rüsumları və ya hər hansı digər ödənişləri qeyd edə bilməyəcək. Bu o deməkdir ki, istehlakçılar yalnız istehlak etdikləri qida və içkilərin pulunu ödəyəcəklər.
