Azərbaycanda şəhər və rayonların iaşə dövriyyəsi açıqlanıb.

FED.az biznes və maliyyə xəbərləri portalı Dövlət Statistika Komitəsinə istinadən xəbər verir ki, 2025-ci ilin ilk 9 ayında ölkə üzrə restoran və bu kimi digər obyektlərin dövriyyəsi 1 milyard 990 milyon manata çatıb.

Amma bəzi şəhər və rayonlarda restoranların dövriyyəsi daha böyükdür.

Qeyd edək ki, ənənəvi olaraq ölkədə restoran dövriyyəsinin ən byöük olduğu şəhərlər Bakı, Sumqayıt və Gəncədir. Belə ki, ilk 9 ayda Bakıda restoran dövriyyəsi 1 milyard 388 milyon manat, Sumqayıtda 52,8 milyon manat, Gəncədə isə 41,6 milyon manat təşkil edib.

FED.az ölkənin regionlarında real mənzərəni çatdırmaq məqsədilə Bakı, Sumqayıt və Gəncə şəhərlərini çıxmaqla dövriyyənin ən böyük olduğu 10 şəhər və rayonu təqdim edir.

Siyahıya restoran dövriyyəsinin ən çox olduğu Qəbələ rayonu başçılıq edir. Son bir ildə burada restoranların dövriyyəsi daha 3 milyon manat artıb.

Sonrakı yerləri Lənkəran, Xaçmaz və Bərdə rayonları tutur, ilk 10-luğu Yevlax və Şərmin tamamlayır.