12 noyabr 2025-ci il tarixində saat 11:00-da “Bakı Hərrac Mərkəzi”ndə hərrac keçiriləcək.
FED.az xəbər verir ki, hərraca Əmanətlərin Sığortalanması Fondunun ləğvetməsində olan bir sıra bankların balansındakı daşınmaz əmlaklar çıxarılacaq.
Birinci olaraq, "Dəmirbank" ASC-nin balansındakı əmlaklar satışa çıxarılacaq. Sumqayıt şəhəri, 9-cu mikrorayonda yerləşən çoxmərtəbəli yaşayış binası (yarımçıq tikili) 0.20 ha torpaq sahəsindədir və ilkin satış qiyməti 560 000 manat təşkil edir. Bu əmlak üçün beh məbləği 28 000 manatdır. Eyni bankın Bakı şəhəri, Suraxanı rayonu, Yeni Günəşli qəsəbəsində yerləşən, ümumi sahəsi 641.2 m² olan qeyri-yaşayış sahəsinin satış qiyməti də 560 000 manatdır və beh məbləği yenə 28 000 manatdır.
İkinci olaraq, "Texnikabank" ASC-nin balansında Bakı şəhəri, Nəsimi rayonu, İmran Qasımov küçəsi, ev 47 və 49 ünvanında yerləşən, 2-ci zirzəmidə olan 16.10 m² sahəli 200 nömrəli qaraj satışa çıxarılacaq. İlkin satış qiyməti 28 000 manat, beh məbləği isə 1 400 manat təşkil edir. Eyni bankın Beyləqan şəhərində yerləşən, ümumi sahəsi 665.3 m² olan və 0.08 ha torpaq sahəsini əhatə edən müəssisə kompleksi 441 000 manata satışa çıxarılacaq və beh məbləği 22 050 manat təşkil edir.
Üçüncü olaraq, "Gəncəbank" ASC-nin Bərdə şəhəri, Məmməd Əmin Rəsulzadə küçəsində yerləşən, 0.01552 ha torpaq sahəsində olan, ümumi sahəsi 257.4 m² qeyri-yaşayış binasının satış qiyməti 283 500 manatdır və beh məbləği 14 175 manat təşkil edir.
Dördüncü bank isə "AGBank" ASC-dir. Bankın balansındakı Göyçay şəhəri, Heydər Əliyev prospekti, 207C ünvanında yerləşən istifadədə olan əmlak kompleksinin ümumi sahəsi 10.650,9 m² və torpaq sahəsi 1.0920 ha təşkil edir. İlkin satış qiyməti 1 300 000 manatdır və beh məbləği 65 000 manatdır.
Hərracda iştirak edən alıcılar satış qiymətinin 5%-i həcmində behi ödədikdən sonra, alış məbləğini 7 təqvim günü ərzində sifarişçinin hesabına köçürməlidirlər.
Hərracda iştirak etmək üçün şəxsi və ya hüquqi şəxslər Fərdi/Şəxsiyyət vəsiqəsi və təsis sənədlərini təqdim etməlidirlər.
Hərracın təşkilat ünvanı Bakı şəhəri, Səbail rayonu, Badamdar qəs., Badamdar şössesi 27, (“AVİS” aptekin arxası), tel: 055-206-66-67.
