Keçən il Qəbələ rayonundakı hotel və mehmanxana tipli müəssisələrə 102 min 105 nəfər yerli və əcnəbi turist yerləşdirilib. Onların 39 min 137 nəfəri və ya 38,3 faizi Azərbaycan, 62 min 968 nəfəri və ya 61,7 faizi xarici ölkə vətəndaşı olub.
Azərbaycana ən çox əcnəbi bu ölkələrdən gəlir - SİYAHI
FED.az xəbər verir ki, bu barədə Qəbələ Rayon Statistika İdarəsindən məlumat verilib.
Bildirilib ki, 2024-cü ildə Qəbələnin hotel və mehmanxana tipli müəssisələrinə yerləşdirilən yerli və əcnəbi turistlərin sayı əvvəlki illə müqayisədə 22 min 282 nəfər və ya 27,9 faiz artıb. Ötən ilin yanvar-dekabr aylarında yerli turistlərin sayında əvvəlki ilin eyni dövrü ilə müqayisədə 1384 nəfər və ya 3,6 faiz, əcnəbi turistlərin sayında isə 20 min 898 nəfər və ya 49,6 faiz artım qeydə alınıb.
2024-cü ildə Qəbələyə gələn əcnəbi turistlər arasında Hindistan vətəndaşları üstünlük təşkil edib. Belə ki, keçən il bu ölkənin 27 min 846 vətəndaşı Qəbələdə olub. Ümumiyyətlə, ötən ilin yanvar-dekabr aylarında Qəbələyə Səudiyyə Ərəbistanından 11916, Birləşmiş Ərəb Əmirliklərindən 6671, Pakistandan 3062, Küveytdən 2770, Gürcüstandan 1134, Rusiyadan 978, Qətərdən 973, Omandan 886 , İsraildən 744, Türkiyədən 307, Böyük Britaniyadan 256, ABŞ-dan 255, Bəhreyndən 212, Özbəkistandan 81, Qazaxıstandan 80, İrandan isə 66 turist səfər edib. Bundan əlavə, həmin müddətdə Qəbələyə digər ölkələrdən də xeyli sayda əcnəbi turist gəlib.
Ötən il Qəbələ rayonu ərazisində yerləşən 20 mehmanxana və mehmanxana tipli müəssisədən 17-si fəaliyyət göstərib. Bir gün qonaqlamaq üçün orta qiymət 39,5 manat təşkil edib. Turistlərin qonaqlama müddəti 1-2 gün olub. Bu müddətdə turizm obyektlərində 943 işçi çalışıb. (Azərtac)
