İtaliya hökuməti səyahətçilər üçün turizm vergilərini artırmağı düşünür - maksimum vergi qonaqlar üçün gecəlik 25 avroya qədər artırıla bilər. Buna səbəb yayda ölkəyə çox böyük turist axını olub.

Bakıda 2 ulduzlu otelin gecəsi 1000 manata qalxıb – COP29-a GÖRƏ OTELLƏRDƏ QİYMƏTLƏR “PARTLAYIB”

FED.az xəbər verir ki, İtaliya hakimiyyəti yayda turist axınının çox olması səbəbindən səyahətçilər üçün turizm vergilərinin artırılması imkanlarını araşdırır.

İndi ölkədə turist vergisi həm xarici, həm də italyan turistlərdən tutula bilər. Səyahətçinin qaldığı məkandakı ulduzların sayından asılı olaraq otel və ya qonaq evində bir nəfər üçün gecəlik ödəniş 1 avrodan 5 avroya qədərdir. İndi İtaliya hakimiyyəti turist vergisini artırmağı düşünür. Belə ki, qiyməti 100 avrodan aşağı olan otaqlarda qalan qonaqlar üçün vergi gecəlik 5 avroya, 100 avrodan 400 avroya qədər olan otaqlarda 10 avroya qədər, gecəlik qiyməti 400-750 avro olan otaqlarda 15 avroya qədər,  gecəlik qiyməti 750 avrodan çox olan otaqlarda  25 avroya qədər artırıla bilər. 

Turizm naziri Daniel Santançenin sözlərinə görə, İtaliya hökuməti sentyabrda turizm sənayesinin nümayəndələri ilə təşəbbüsü müzakirə edəcək və daha sonra vergilərin artırılmasına ehtiyac olub-olmaması barədə qərar verəcək. Nazir sosial mediada qeyd edib ki, "Həddindən artıq turist axını dövrlərində biz bu tədbirləri xidmətləri daha da təkmilləşdirmək və onlar üçün pul ödəyən səyahətçiləri daha məsuliyyətli etmək yolu kimi müzakirə edirik".

İtaliyada böyük otellər və beynəlxalq otel şəbəkələrini təmsil edən Confindustria Alberghi-nin direktoru Barbara Casillo İtaliya mediasına verdiyi açıqlamada yüksək turizm vergilərinin "turistləri qorxuda biləcəyini" və onları digər Avropa istiqamətlərini seçməyə məcbur edə biləcəyi barədə xəbərdarlıq edib. 

Bu yayın əvvəlində Venesiya hakimiyyəti avqustun 1-dən şəhərə gələn turist qruplarının sayını 25 nəfərlə məhdudlaşdırmaq qərarına gəlib. Bundan əlavə, indi bələdçilərə turlarda səsgücləndiricilərdən istifadə etmək qadağandır. Hakimiyyət bir neçə dəfə şəhəri qorumaq üçün kütləvi turizmlə mübarizə aparmağa hazır olduqlarını bəyan edib. Ən son belə təşəbbüslərdən biri aprel ayında saat 8:30-dan 16:00-a kimi Venesiyada səfər etmək üçün bir ay üçün 5 avro rüsum tətbiq etmək qərarı idi. Təcrübə iyul ayında başa çatıb, rüsumun ödənilməməsinə görə 50 avrodan 300 avroya qədər cərimələr tətbiq edilirdi. (Marja)