“Azərbaycan Hava Yolları” (AZAL) aviaşirkəti Bakı-Kalininqrad-Bakı marşrutu ilə beynəlxalq daşımaların həyata keçirilməsi üçün təyin edilib.
Eləcə də bax: Bakıya daha bir təyyarə reysi açıldı – QİYMƏTLƏR 10-20 AVRODAN BAŞLAYIR
FED.az xəbər verir ki, ““Azərbaycan ilə Rusiya arasında hava əlaqəsi və hava nəqliyyatı sahəsində əməkdaşlıq haqqında” Hökumətlərarası Sazişin 4-cü maddəsinə uyğun olaraq AZAL Bakı-Kalininqrad-Bakı marşrutu üzrə beynəlxalq daşımaların həyata keçirilməsi üçün təyin edilib”, - deyə Azərbaycanın RF-dəki səfirliyinin Rusiya XİN-ə ünvanladığı məktubunda bildirilir.
“İnterfaks-Azərbaycan” agentliyinin məlumatına görə, səfirlik, həmçinin RF XİN-dən müvafiq informasiyanı Rusiyanın əlaqədar qurumlarına çatdırmağı xahiş edir.
Hazırda AZAL Rusiyanın 8 şəhərinə: Moskva (bütün hava limanları), Həştərxan, Yekaterinburq, Kazan, Mineralnıye Vodı, Novosibirsk, Sankt-Peterburq və Ufaya birbaşa uçuşlar həyata keçirir. (İnterfaks)
