Müdafiə Nazirliyinin tenderi "Azərbaycan Ordusunun hərbi hissələri üçün rabitə avadanlıqlarının satın alınması" tenderi ləğv edilib.
FED.az xəbər verir ki, buna səbəb tender predmetinin maliyyələşdirilməsi dayandırılmasıdır.
Bu hal Dövlət Satınalmaları haqqında qanunun 11.2-ci maddəsinin 3-cü halında öz əksini tapır.
Belə ki, 11.2-ci maddəyə görə:
Satınalan təşkilat dövlət mənafelərinin qorunması məqsədi ilə aşağıdakı hallarda bütün tender təkliflərinin, oferta və kotirovkaların aksept olunana qədər rədd edilməsi barədə qərar qəbul edə bilər:
tender prosedurlarının keçirilməsi zamanı iddiaçılar arasında qiymətin qaldırılmasına yönələn sövdələşmə müəyyən etdikdə;
tender təklifləri tenderin əsas şərtlər toplusuna uyğun olmadıqda;
tender predmetinin maliyyələşdirilməsi dayandırıldıqda.
Bu qərar müvafiq icra hakimiyyəti orqanı tərəfindən təsdiq olunmalıdır. Satınalan təşkilat tender təklifi, oferta və ya kotirovka təqdim etmiş malgöndərənin (podratçının) sorğusu ilə ona bütün tender təkliflərini, ofertaları və ya kotirovkaları rədd etməsi barədə məlumat verir.
