Azərbaycan Sığortaçılar Assosiasiyası İctimai Birliyinin (ASA) 2018-ci ilin dekabr ayı üzrə təqdim etdiyi nəticələrə əsasən “Atəşgah” Sığorta Şirkəti xidmət səviyyəsi və müştərilərə qarşı yanaşmasına görə reytinq cədvəlində ikinci pillədədir. Belə ki, FED.az xəbər verir ki, “Atəşgah” SŞ 38 rəy əsasında 30 bal toplamışdır.
ASA tərəfindən sığorta şirkətlərinin xidmət, müştəri məmnuniyyəti səviyyəsi və sığortaçıların reytinq cədvəlinin müəyyən edilməsi üçün təşkil edilmiş sorğunun nəticəsi bir daha “Atəşgah” Sığorta Şirkətinin müştəri məmnuniyyətini əsas tutduğunu və onlara peşəkar komanda tərəfindən keyfiyyətli xidmət göstərildiyini təsdiq edir.
Eləcə də bax: "Xalq Sığorta" 300 manatlıq sığorta agenti axtarır - VAKANSİYA
Qeyd edək ki, “Atəşgah” SŞ 2018-ci ildə həyata keçirdiyi sığorta ödənişlərinin ümumi həcmi 20 mln. AZN, şirkətin topladığı sığorta haqlarının ümumi həcmi isə 37 mln. AZN təşkil etmişdir.
Yüksək etibarlılıq imicinə sahib olan “Atəşgah” SŞ 1996-cı ildə yaranıb. 2003-cü ildə Azərbaycan sığorta şirkətləri arasında ilk olaraq İSO 9001:2000 beynəlxalq standartı üzrə idarəetmə sistemində keyfiyyətə nəzarət üzrə sertifikat almışdır. Şirkət 2014-cü ildən İcbari Sığorta Bürosunun üzvüdür.
