Azərbaycanda bir neçə şirkət vergilərin, rüsumların ödənilməsi, maliyyə və sığorta qaydaları əleyhinə olan (Məcburi auditdən yayınma) inzibati xəta üzrə cərimə oluna bilər.
FED.az xəbər verir ki, şirkətlər barəsində İnzibati Xətalar Məcəlləsinin 464-cü maddəsi ilə protokol irəli sürülüb.
Həmin şirkətlər isə "Azərcan" MMC, "Flagman Company" MMC, "Pro Con İzo" MMC və "Azfruit Company" MMC şirkətləridir.
İnzibati Xətalar Məcəlləsinin 464-cü maddəsinə əsasən, “Auditor xidməti haqqında” Azərbaycan Respublikasının Qanunu ilə nəzərdə tutulmuş hallarda həyata keçirilməli olan məcburi auditdən yayınmağa görə vəzifəli şəxslər 300 manatdan 600 manatadək, hüquqi şəxslər 1500 manatdan 2500 manatadək məbləğdə cərimə edilir.
İş Bakı Şəhər Xəzər Rayon Məhkəməsinin hakimi Ramilə Xəzri və İlham Cəfərzadənin icraatındadır.
