Azərbaycan Mərkəzi Bankı “Qarabağ” mövzusuna həsr olunmuş 20 manatlıq əskinasının yenilənməsini həyata keçirib.
Eləcə də bax: Azərbaycanda 500 manatlıq xatirə pul nişanları dövriyyəyə buraxılıb – FOTO
FED.az biznes və maliyyə xəbərləri portalı Report-a istinadən xəbər verir ki, bu barədə qurumun sədri Elman Rüstəmov məlumat verib.
Onun sözlərinə görə, yeni əskinasların növbəti ildən tədavülə buraxılması nəzərdə tutulur.
“Qarabağ” mövzusuna həsr olunmuş bu pul nişanı üzərində əsas dizayn motivləri - Azərbaycan xalqının qüdrətini, gücünü və mübarizə əzmkarlığını əks etdirən qılınc, dəbilqə və qalxan təsvirləri saxlanılmaqla əlavə dizayn elementləri, o cümlədən Qarabağ florasının incisi sayılan və qələbə rəmzini simvolizə edən Xarıbülbül nişanəsi və “Qarabağ” sözü ön plana çəkilib”, - deyə o, qeyd edib.
