ABŞ Prezidenti Donald Tramp hesab edir ki, Vaşinqtonla Pekin arasında İsveçrədə keçirilən görüşlər nəticəsində əldə olunan ticarət və iqtisadi razılaşmalar Amerika biznesi üçün Çin bazarının açılmasına imkan verəcək.
FED.az xəbər verir ki, bu fikirləri o, "Fox News" telekanalına verdiyi müsahibədə bildirib:
“Çinlə çox yaxşı bir razılaşmanın konturları görünür. Bu razılaşmanın ən gözəl tərəfi odur ki, Çin ABŞ biznesi üçün açılacaq. Bu, tamamilə yeni bir dünyanın qapılarının açılması deməkdir. Hesab edirəm ki, bu razılaşma Çinin özü üçün də faydalı olacaq. Ümid edirəm ki, bu razılaşma imzalanacaq". (Apa)
