İtaliyanın “Alitalia” hava yolları şirkəti iflas təhlükəsi ilə qarşılaşıb.

FED.az xəbər verir ki, hökumət buna yol verməmək üçün dəmiryolları “Ferrovie” və məşhur geyim brendi “Benneton”un törəmə şirkəti olan “Atlantia SpA” ilə danışıqlar aparıb. Lakin hər iki şirkət son anda geri çəkilib. Hökumətin son çarəsi “Alitalia”nın səhmlərini müvəqqəti olaraq almaqdır. Daha sonra isə şirkətin Almaniya nəhəngi “Luftfhanza” tərəfindən alınacağı ehtimal olunur.

Eləcə də bax: Dünyanın nəhəng turizm şirkətinin iflası - 15 MİN TURİSTƏ PROBLEM YARADIB

Hər gün təxminən 700 min avro itirən şirkətin yüzlərlə əməkdaşı da işsiz qala bilər. Habelə şirkətin dövlətə də 900 milyon avro kredit borcu var. İtaliya hökuməti şirkətin uçuşlarını davam etdirə bilməsi üçün daha 350 milyon avro ayırılacağını bildirib. Lakin ixtisarlar və uçuşların azaldılması qaçınılmazdır.

Azərtac