Banner

Biznes

AZPROMO pomidor istehsalçıları ilə - Görüş Keçirib

AZPROMO pomidor istehsalçıları ilə - Görüş Keçirib | FED.az
11:15 11 İyun 2021

İqtisadiyyat Nazirliyinin dəstəyi, Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı ilə “Global Gap” sertifikatı olan pomidor istehsalı və ixracı sahəsində fəaliyyət göstərən sahibkarlar ilə onlayn formatda görüş keçirilib.

Eləcə də bax: Azərbaycan Ukrayna və Belarusa pomidor məhsulunun ixracı ilə bağlı - Müqavilə İmzalayıb

FED.az bu barədə AZPROMO-ya istinadən xəbər verir.

Məlumata görə, Fondun rəhbəri Yusif Abdullayev kənd təsərrüfatı məhsulları ixracında xüsusi çəkisi olan pomidorun xarici bazarlara çıxarılmasına dəstəyin göstərilməsi, həmçinin bu sahədə yaranmış çətinliklərin aradan qaldırılması istiqamətində görülən işlər və göstəriləcək dəstək mexanizmləri barədə məlumat verib, sahibkarları bu sahənin inkişafı məqsədilə dövlət qurumları ilə sıx əməkdaşlığa dəvət edib.

Sonda ölkənin müxtəlif regionlarda pomidor istehsalı sahəsində fəaliyyət göstərən ixracatçıların fikirləri dinlənilib, yeni bazarlara ixrac prosedurları ilə bağlı sahibkarları maraqlandıran suallar cavablandırılıb.

Banner
Banner

Digər xəbərlər