Azərbaycanda restoran və digər iaşə obyektlərinin dövriyyəsi 2 milyard manata çatır.
FED.az biznes və maliyyə xəbərləri portalı xəbər verir ki, 2025-ci ilin yanvar-sentyabr aylarında, yəni ilk 9 ay ərzində restoranların dövriyyəsi 1 miyard 990 milyon manata yüksəlib.
Bu dövriyyənin böyük hissəsi – yəni 1 milyard 389 milyon manatı və ya təqribən 70%-i Bakı şəhərinin payına düşüb. Başqa sözlə bu dövrdə ölkədə restoranlara sərf edilən hər 100 manatın 70 manatı Bakıda xərclənib.
Region restoranlarında isə ümumilikdə 601 milyon manat xərclənib.
Ötən ilin eyni dövrü ilə müayisədə Azərbaycanda restoranların dövriyyəsi 322 milyon manat artıb. Bu nominal qaydada 20 faiz artım deməkdir.
Artımın böyük hissəsi yenə də Bakı restoranlarının hesabınadır – 322 milyon manatlıq artımın 243 milyon manatı paytaxtda baş verib – illik 21%.
Region restoranlarında isə artım 74 milyon manat olub – illik artım 14% təşkil edib.
