2022-ci ilin ilk yarım ilində, Azərbaycan bankları qiymətli kağızlara yatırımlardan 129,3 milyon manat gəlir əldə ediblər.

Eləcə də bax: Səkkiz ayda kreditlərin 97,4 faizi banklar tərəfindən - VERİLİB

FED.az xəbər verir ki, bu bankların yarım il ərzində əldə etdiyi ümumi gəlirlərinin təqribən 7,2%-ni təşkil edir. QK bazarından daxil olmalar bank sektoru üçün kredit faizləri, komissiya şaqları və valyuta əməliyyatlarından sonra həcminə görə 4-cü gəlir mənbəyidir. Qiymətli kağızlara yatırımlardan ən çox gəlir əldə edən banklar ölkənin bank sektorunun liderləri – Azərbaycan Beynəlxalq Bankı, «Kapital Bank» və «Paşa Bank»dır. QK bazarından əldə edilən ümumi gəlirlərin 106,8 milyon manatı və ya 82,6%-i bu üç bankın payına düşür.

Ümumi gəlrlərində QK gəlirlərinin ən yüksək pay aldığı banklar «Paşa Bank» - 15%, «Naxçıvan Bank» - 11%, «ABB Bank» və «AFB Bank»dır – 10%.

3 bank yarım ildə bu sahədə 2-4 milyon manat arasında gəlirlərə əldə edib. Bunlar «Xalq Bank», «Rabitəbank» və «Unibank»dır. 6 bank isə ümumiyyətlə QK sahəsindən gəlir əldə etməyib.