FED.az Azərbaycanın aparıcı banklarından biri, ən böyük filial şəbəkəsinə malik olan banklarından olan «Muğanbank»ın gəlir mənbələrini təqdim edir.

«Bank Respublika» ASC pulu nədən qazanır? – GƏLİR MƏNBƏLƏRİ - MƏBLƏĞLƏR

2022-ci ilin ilk yarım illiyinin nəticələrinə görə, «Muğanbank»ın ümumi gəlirləri 40 milyon 239 min manat təşkil edib. Bank bu göstərici üzrə ölkənin bank sesmində 11-ci yeri tutur.

«Muğanbank» ölkənin bank sistemində yeganə bankdır ki, onun gəlirlərinin böyük hissəsi faiz deyil, qeyri-faiz gəlirlərindən formalaşır.

Hesabat dövründə (ilk 6 ayda) bankın gəlirlərinin ən böyük hissəsi – 17,5 milyon manatı və ya bütün gəlirlərin 44%-i kredit portfelinin gəlirlərindən formalaşıb.

Komissiya haqlarından isə 15,3 milyon manat daxil olub, bu bankın bütün gəlirlərinin 38%-i deməkdir. Azərbaycanın başqa heç bir bankında komissiya haqqı gəlirləri ümumi gəlirlərdə belə yüksək paya malik deyil. Bu - «Muğanbank»ın bankın geniş filial şəbəkəsinin olması və çoxsaylı xidmət layihələrində iştirakı ilə bağlıdır.

«Muğanbank»ın valyuta əməliyyatlarından gəlirləri də kifayət qədər yüksəkdir – 6,3 milyon manat və ya ümumi gəlirlərin 16%-i.

Daha 850 min manat və ya ümumi gəlirlərin 2%-ni «Muğanbank» başqa banklara ayırdığı kreditlərdən əldə edir.

Ümumiyyətlə, «Muğanbank»ın ümumi gəlirlərində faiz gəlirləri 46%, qeyri-faiz gəlirləri 54% təşkil edir.

Digər gəlirlərin məbləği və onun ümumi gəlirlərdəki payı aşağıdakı kimidir.