FED.az Azərbaycanın bank sektorunun aparıcı oyunçularından biri, kredit bazarının aktiv iştirakçısı, mikro və kiçik biznesin kreditləşməsi üzrə lider bank olan - «AccessBank» QSC-nin gəlir mənbələrini təqdim edir.

«Expressbank» ASC pulu nədən qazanır? – GƏLİR MƏNBƏLƏRİ - MƏBLƏĞLƏR

2022-ci ilin ilk yarım illiyinin nəticələrinə görə, «AccessBank»ın ümumi gəlirləri 68 milyon 672 min manat təşkil edib. Bank bu göstərici üzrə ölkənin bank sesmində 6-cı yeri tutur.

Hesabat dövründə (ilk 6 ayda) bankın gəlirlərinin ən böyük hissəsi – 63 milyon manatı və ya bütün gəlirlərin 92%-i kredit portfelinin gəlirlərindən formalaşıb.

Komissiya haqlarından isə 6,8 milyon manat daxil olub, bu bankın bütün gəlirlərinin 10%-i deməkdir.

«AccessBank» ölkə bankları arasında yeganə bankdır ki, valyuta əməliyyatlarından gəlir götürməyib – əksinə 2,3 milyon manat zərər edib.

Əvəzində qiymətli kağızlar bazarına yatırımlardan 900 min manat və ya ümumi gəlirlərin 1%-i qədər gəlir əldə edib.

Ümumiyyətlə, «AccessBank» ölkə bankları arasında ümumi gəlirlərində faiz gəlirlərinin ən yüksək olduğu bankdır - ümumi gəlirlərində faiz gəlirləri 93%, qeyri-faiz gəlirləri 7% təşkil edir.

Digər gəlirlərin məbləği və onun ümumi gəlirlərdəki payı aşağıdakı kimidir.