FED.az Azərbaycanın aparıcı banklarından biri, kredit bazarının aktiv iştirakçısı və böyük filial şəbəkəsinə malik olan banklarından olan «Unibank»ın gəlir mənbələrini təqdim edir.

«Muğanbank» ASC pulu nədən qazanır? – GƏLİR MƏNBƏLƏRİ - MƏBLƏĞLƏR

2022-ci ilin ilk yarım illiyinin nəticələrinə görə, «Unibank»ın ümumi gəlirləri 99 milyon 743 min manat təşkil edib. Bank bu göstərici üzrə ölkənin bank sestemində əla göstərici ilə 4-cü yeri tutur.

Hesabat dövründə (ilk 6 ayda) «Unibank»ın gəlirlərinin ən böyük hissəsi – 72,8 milyon manatı və ya bütün gəlirlərin 73%-i kredit portfelinin gəlirlərindən formalaşıb.

Komissiya haqlarından isə 21,3 milyon manat daxil olub, bu bankın bütün gəlirlərinin 21%-i deməkdir.

Başqa sözlə, bu iki gəlir maddəsi «Unibank»ın gəlirlərinin 94%-ni təşkil edir. Digər sahələrdən gəlirlər elə də ciddi məbləğlərlə ödçülmür – valyuta əməliyyatlarından gəlirlər 1,8 milyon manat və ya ümumi gəlirlərin 2%-i həcmində olub.

Daha 2,2 milyon manat və ya ümumi gəlirlərin 3%-ni «Unibank»ın Qiymətli kağızlardan yatırımları təmin edib.

Ümumiyyətlə, «Unibank»ın ümumi gəlirlərində faiz gəlirləri 76%, qeyri-faiz gəlirləri 24% təşkil edir.

Digər gəlirlərin məbləği və onun ümumi gəlirlərdəki payı aşağıdakı kimidir.