Tesla bu ilin ikinci rübü üzrə balans hesabatını açıqlayıb.
Azərbaycanda “Tesla” avtomobillərinin sayı - AÇIQLANIB
FED.az xəbər verir ki, müvafiq olaraq, şirkətin gəliri ilin ikinci rübündə keçən ilin eyni dövrü ilə müqayisədə 47% artaraq 24,9 milyard dollar təşkil edib. Tesla 2022-ci ilin ikinci rübündə 16,9 milyard dollar gəlir əldə etmişdi.
Elektrik avtomobil istehsalçısının xalis mənfəəti də ilin ikinci rübündə keçən ilin eyni dövrü ilə müqayisədə 20 faiz artaraq 2,7 milyard dollara çatıb. Keçən ilin eyni dövründə Tesla-nın xalis mənfəəti 2,3 milyard dollar olmuşdu.
Şirkətin səhmbaşına mənffəti 2022-ci ilin ikinci rübündəki 76 sentdən bu ilin eyni dövründə 91 sentə yüksəlib.
İlin birinci rübündə 19,3% olan Teslanın ümumi mənfəət marjası, şirkətin qiymət endirimləri yolu ilə satışları artırmaq səyləri nəticəsində ilin ikinci rübündə 18,2 faizə düşüb.
Tesla 2023-cü ilin ikinci rübündə dünya üzrə 479 min 700 avtomobil istehsal etdiyi halda, 466 min 140 ədəd avtomobil tədarük edib.
Bu dövrdə şirkətin avtomobil istehsalı illik müqayisədə 86%, təslim edilən avtomobillərin sayı isə 83% artıb.
Tesla-dan verilən açıqlamada ilin ikinci rübünün şirkət üçün bir çox göstəricilərdə "rekord" rüb olduğu qeyd edilib.
“Hazırda yaşadığımız makroiqtisadi mühiti nəzərə alaraq, belə nəticələr əldə edə bildiyimizdən həyəcanlıyıq”, - açıqlamada deyilir.
"Bu qeyri-müəyyən zamanların çətinlikləri bitməyib, lakin biz inanırıq ki, müxtəlif yüksək potensiallı layihələr vasitəsilə biznesin uzunmüddətli uğuru üçün düzgün inqrediyentlərimiz var". (Marja)
