2023-cü ildə qlobal avtomobil istehsalı 93,5 milyon ədədə çatdı, bu da 2019-cu ilə nisbətən 2% artım və 2022-ci ilə müqayisədə 17% yüksəliş deməkdir. 

Tesla-nın bazar dəyəri avtomobil sənayesində yeni zirvəyə çatır

FED.az xəbər verir ki, Çin 2023-cü ildə ən çox avtomobil istehsal edən ölkə olaraq öndə gedir, dünya üzrə ümumi istehsalın 32,2%-ni təşkil edir. Bu ölkə, həm daxili tələbatını təmin edərək, həm də dünya bazarına ixrac etdiyi avtomobillərlə qlobal liderdir. Çin hökuməti elektrikli avtomobillər sahəsində böyük sərmayələr qoymuş və "Made in China 2025" təşəbbüsü ilə bu sahədə əhəmiyyətli irəliləyişlər əldə edib.

Çindən sonra ən böyük istehsalçı ABŞ-dır, dünya istehsalının 11,3%-ni təşkil edir. ABŞ-da Tesla, 2024-cü ilin dekabr ayında 1,4 trilyon dollarla ən dəyərli avtomobil istehsalçısıdır. Elektrikli avtomobil istehsalı sahəsində Tesla, bazarda digər 29 istehsalçının cəmi qədər dəyərə sahibdir.

Yaponiya isə 9,6%-lə üçüncü sırada yer alır və bu nəticə, Toyota və Honda kimi ənənəvi avtomobil istehsalçılarının gücündən qaynaqlanır.