Tesla dünya avtomobil bazarının dəyərinin demək olar ki, yarısını təşkil edir.
“Tesla”da işləyən lənkəranlı gənc: “Cybertruck” və “Robotaxi” kimi inqilabi avtomobil layihələri üzərində çalışıram"
FED.az xəbər verir ki, şirkət 1,4 trilyon dollarlıq bazar dəyəri ilə ilk yerdədir və növbəti 29 avtomobil istehsalçısının ümumi dəyərini üstələyir. İkinci yerdə 231 milyard dollar dəyəri ilə Toyota, daha sonra isə Çin istehsalçıları BYD (107 milyard dollar) və Xiaomi (98 milyard dollar) gəlir.
İnvestorlar İlon Maskın Tramp ilə yaxın əlaqələrinin və hökumətdəki artan rolunun Tesla üçün müsbət təsir göstərəcəyinə inanırlar.
Tesla-nın Robotaxi və Tam Avtonom Sürüş texnologiyası ilə bağlı gözləntilər şirkətin inkişafını sürətləndirib, ilin əvvəlindən səhmlər 57% artıb. Lakin Tesla-nın yüksək bazar dəyəri istehsal həcmlərində əks olunmur. Şirkət 2023-cü ildə 1,8 milyon avtomobil satarkən, Toyota 11,2 milyon avtomobil satıb.
İlon Mask, Tesla-nın uğurları sayəsində dünyanın ən varlı insanı mövqeyini möhkəmləndirib. 2024-cü ilin dekabrında onun sərvəti 462 milyard dollara çataraq, ikinci yerdəki Ceff Bezosu (243 milyard dollar) xeyli qabaqlayıb.
