Son günlər ölkə ərazisində müşahidə olunan yağıntılı hava şəraitinin pambıqçılığa təsirlər açıqlanıb.
Hava şəraiti pisləşdi: Aqrar Sığorta Fonduna müraciətlər başlandı
FED.az xəbər verir ki, kənd təsərrüfatı üzrə mütəxəssis Mirsahib Zəkiyev bildirib ki, analoji hava şəraiti belə davam edərsə, torpağa səpilən pambıq çiyidləri çürüyə bilər.
Həmçinin mütəxəssis qeyd edib ki, havaların soyuq keçməsi pambıq bitkisinin kök sistemində çürümə xəstəliyinin inkişafına səbəb ola bilər.
M.Zəkiyev vurğulayıb ki, bu cür hava şəraiti biçilmiş və sahədə qalan ot bitkilərinə də ziyan vurur. Çünki yüksək nəmlik səbəbindən biçilmiş otda kifləmə və çürümə prosesi baş verir, yem keyfiyyətini itirir.
Qeyd edək ki, hazırda ölkə ərazisində yağıntılı hava şəraiti davam edir. (Report)
