Kənd təsərrüfatı bitkiləri və bitkiçilik məhsulları üzrə sığorta müqavilələrinə əsasən təminat verilən risklər nəticəsində hadisə baş verərsə, zərər dəymiş fermerlərin ərazilərinə dair sığorta ödənişinin düzgün hesablanması üçün biçindən öncə 2-ci, yəni yekun qiymətləndirmənin həyata keçirilməsi zəruridir. Bununla bağlı fermerlərdən məhsulların biçinindən 10 gün əvvəl məlumat verməyi xahiş olunur.
Eləcə də bax: Qarpız sahələrinin güzəştli sığortası başlayıb - ŞƏRTLƏR, QİYMƏTLƏR, MƏBLƏĞLƏR
FED.az xəbər verir ki, bu barədə Aqrar Sığorta Fondu məlumat yayıb: “Kənd təsərrüfatı bitkiləri və bitkiçilik məhsullarının sığortasında məhsul təminatına dair sığorta müqavilələri üzrə sığorta hadisəsi məhsulun inkişaf dövründə baş verərsə, onun tam məhv olduğu hallar istisna olmaqla, müstəqil ekspert qiymətləndirmə apararaq sığorta hadisəsi barədə rəyini təqdim edir, idarəedici qurum isə öz növbəsində sığortalanmış məhsulun yığım dövründə zərərin dəqiq qiymətləndirilməsi və məhsuldarlığın ölçülməsi üçün biçindən əvvəl yenidən müstəqil ekspert təyin edir”.
Sözügedən aqrar sığorta növü üzrə məhsul təminatına dair sığorta müqavilələrində sığorta ödənişi yığım dövründən sonra ödənilir. Hesablamaya əsasən sığorta ödənişi sığorta hadisəsi nəticəsində müstəqil ekspertlər tərəfindən qiymətləndirilən və sığorta ödənişinin hesablanmasında əsas götürülən zərər faizi müstəqil ekspert tərəfindən biçindən əvvəl qiymətləndirilərək müəyyən olunan faktiki məhsuldarlıq miqdarına əsasən hesablanan sığorta məbləğinə tətbiq edilməklə müəyyən edilir.
