Aqrar Sahə İşçiləri Həmkarlar İttifaqı Respublika Komitəsinin təsis qurultayı keçirilib.
FED.az Kənd Təsərrüfatı Nazirliyinə istinadən xəbər verir ki, gündəliyə “Aqrar Sahə İşçiləri Həmkarlar İttifaqının təsis edilməsi”, Nizamnaməsinin təsdiqi”, “Sədrin seçilməsi”, Məclis üzvlərinin təsdiqi”, “Təftiş komissiyasının seçilməsi” və digər məsələlər daxil edilib.
Bu məsələlər ətrafında müzakirələr aparılıb, rəy və təkliflər dinlənilib, qurultay iştirakçılarının səsverməsi ilə müvafiq qərarlar qəbul olunub.
Səsçoxluğu ilə Aqrar Sahə İşçiləri Həmkarlar İttifaqı Respublika Komitəsi yaradılıb və Fuad Məmmədov Komitənin sədri seçilib. Həmçinin qurumun Nizamnaməsi, Məclis və Təftiş komissiyasının üzvləri təsdiqlənib.
Eləcə də Qurultay iştirakçıları Aqrar Sahə İşçiləri Həmkarlar İttifaqının Azərbaycan Həmkarlar İttifaqları Konfederasiyasına üzv olması barədə qərar qəbul ediblər.
Tədbirdə iştirak edən AHİK sədri, Milli Məclisin deputatı Səttar Möhbalıyev yeni təsis olunan Komitəyə fəaliyyətində uğurlar arzulayıb, bir sıra tövsiyələr verib.
