Bakı Fond Birjasının (BFB) Listinq Komitəsinin 16 sentyabr 2026-cı il tarixində qəbul etdiyi qərara əsasən, “KollektA” ASC-nin istiqrazlarının ticarətə buraxılması üçün “Ticarətə İcazə” qərarı verilib.

FED.az biznes və maliyyə xəbərləri portalı xəbər verir ki, qərara əsasən, “KollektA” ASC-nin istiqrazlarının yerləşdirilməsi üzrə hərrac 18.09.2026-cı il tarixində keçiriləcək.

Qeyd edək ki, bu dəfə “KollektA” ASC-nin 2 milyon manatlıq istiqrazı (dövlət qeydiyyat nömrəsi – ISIN AZ2001028672) yerləşdiriləcək. Satışa hər birinin nominal qiyməti 100 manat olmaqla 20 000 ədəd istiqraz çıxarılacaq.

“KollektA” ASC-nin istiqraz buraxılışının anderrayteri ölkənin aparıcı investisiya şirkətlərindən olan “Troni İnvestisiya Şirkəti” QSC-dir. Qeyd edək ki, “Troni İnvestisiya Şirkəti” QSC əlavə bir neçə şirkətin də istiqraz buraxılışında anderrayter qismində iştirak edir.

“KollektA” ASC-nin istiqrazları üzrə yüksək gəlirlilik nəzərdə tutulub – illik 16%.

İstiqrazlar 18 ay dövriyyədə olacaqlar, istiqrazlar üzrə faiz ödənişləri 30 gündən bir, hər ayda bir dəfə həyata keçiriləcək.

Xatırladaq ki, “KollektA” ASC-nin yeni buraxılacaq istiqrazları bazarda ən yüksək gəlirlilik təklif edən kağızlar arasındadır.

İstiqraz buraxılışının həcmini, gəlirlilik dərəcəsini və müddətini nəzərə aldıqda, “KollektA” ASC-nin istiqrazlarının dövriyyədə olduğu müddətdə istiqraz sahiblərinə ümumilikdə 480 000 manat faiz ödənişi həyata keçiriləcək.

İstiqrazların emissiya prospektini BFB-nin internet səhifəsində “Emitentin profili” bölməsindən əldə etmək olar.

İstiqrazlar üzrə məlumat aşağıdakı kimidir: