2025-ci ilin yanvar-sentyabr aylarının yekunlarına əsasən, Azərbaycanın regionlarındakı turizm obyektlərinin birdəfəlik tutumdan istifadə səviyyəsi açıqlanıb.
FED.az xəbər verir ki, renkinqin son pilləsində, yəni otellərin ən az doluluq göstəricisinə malik olduğu bölgə Balakən rayonu olub. Rayonda bu göstərici cəmi 0,8 faiz təşkil edib.
Siyahının sonundan ikinci yerdə Yevlax rayonu qərarlaşıb – burada doluluq 1,7 faiz olub. Ağdərə rayonunda otellərin tutumundan istifadə səviyyəsi 2 faiz, yəni olduqca aşağı səviyyədə qeydə alınıb.
Lerik rayonunda bu rəqəm 2,1 faiz, Neftçala rayonunda isə 2,2 faiz, başqa sözlə oxşar səviyyədə olub. Gədəbəy rayonunda otellərin doluluğu 2,6 faiz təşkil edib.
Yardımlı rayonunda göstərici 3 faiz olub. Mingəçevir şəhəri 3,4 faiz, yəni üç faizdən bir qədər çox doluluq nümayiş etdirib.
Siyahının bu hissəsini Oğuz rayonu (3,5 faiz) və Qazax rayonu (3,6 faiz) tamamlayır.
