Dövlət Vergi Xidməti Milli Gəlirlər Baş İdarəsinin "“Üfüqvari monitorinq” deyilən bir üsuldan istifadə etmək məqsədilə, Azərbaycanın vergi sistemində oxşar layihənin hazırlanması və tətbiq edilməsi xidməti" tenderi ləğv olunub.
FED.az xəbər verir ki, buna səbəb tenderdə iştirak etmək üçün tender təklifi vermiş iddiaçıların sayı üçdən az olmasıdır.
Bu da Dövlət Satınalmaları haqqında qanunun 11.1-ci maddəsi ilə tənzimlənir. Həmin maddəyə görə tenderdə iştirak etmək üçün tender təklifi vermiş iddiaçıların sayı üçdən az olduqda satınalan təşkilat tenderin davamından imtina edir və bu barədə məlumatı tender elan olunduğu mətbuat orqanında 5 bank günü ərzində dərc etdirir və rəsmi internet saytında yerləşdirir.
