Dövlət Sərhəd Xidmətinin "Silah, generator və transformator yağları" tenderi ləğv olunub.
FED.az xəbər verir ki, buna səbəb tenderin əsas şərtlər toplusuna uyğun olmamasıdır.
Ləğv etmə mətnində bildirilir ki, tender təklifləri tenderin əsas şərtlər toplusuna uyğun olmadığından tender proseduru ləğv edildi.
Bu da Dövlət Satınalmaları haqqında qanunun 11.2-ci maddəsi ilə tənzimlənir. Həmin maddəyə görə
Satınalan təşkilat dövlət mənafelərinin qorunması məqsədi ilə aşağıdakı hallarda bütün tender təkliflərinin, oferta və kotirovkaların aksept olunana qədər rədd edilməsi barədə qərar qəbul edə bilər:
tender prosedurlarının keçirilməsi zamanı iddiaçılar arasında qiymətin qaldırılmasına yönələn sövdələşmə müəyyən etdikdə;
tender təklifləri tenderin əsas şərtlər toplusuna uyğun olmadıqda;
tender predmetinin maliyyələşdirilməsi dayandırıldıqda.
Bu qərar müvafiq icra hakimiyyəti orqanı tərəfindən təsdiq olunmalıdır. Satınalan təşkilat tender təklifi, oferta və ya kotirovka təqdim etmiş malgöndərənin (podratçının) sorğusu ilə ona bütün tender təkliflərini, ofertaları və ya kotirovkaları rədd etməsi barədə məlumat verir.
Sözü gedən tenderin ləğv edilməsinə səbəb bu maddənin 2-ci halında götərilən haldır.
