Banner

Son Xəbərlər

Mehriban Əliyeva: Öhdəmə düşən məsuliyyətin ciddiliyini tam dərk edirəm VİDEO FOTO

Mehriban Əliyeva: Öhdəmə düşən məsuliyyətin ciddiliyini tam dərk edirəm VİDEO FOTO | FED.az
15:22 21 Fev 2017

“Göstərdiyiniz yüksək etimada görə sizə dərin minnətdarlığımı bildirirəm. Bu vəzifəyə təyin olunmaqla öhdəmə düşən məsuliyyətin ciddiliyini tam dərk edirəm. Cənab prezident, inanıram ki, sizin və mənə inanan bütün insanların etimadını doğruldacağam”.

FED.az APA-ya istinadən xəbər verir ki, bunu bu gün Təhlükəsizlik Şurasının iclasında Azərbaycan prezidenti İlham Əliyev tərəfindən birinci vitse-prezident təyin edilən Mehriban Əliyeva deyib.

M. Əliyeva fəaliyyətinə yüksək qiymət verdiyi üçün prezident İlham Əliyeva təşəkkür edib: “Belə qiymətə layiq olmaq mənim üçün böyük şərəfdir. Sadaladığınız hər bir uğurun, nailiyyətin arxasında sizin dəstəyiniz dururdu. Keçmiş illər ərzində sizin dövlətçilik ideyalarınız, vətənpərvərliyiniz, Azərbaycan dövlətinin maraqlarını sədaqətlə, iradə və cəsarətlə qorumağınız, Azərbaycan xalqı ilə birliyiniz mən və mənimlə çalışan insanlar üçün bir nümunə, fəaliyyətimizi istiqamətləndirən bir nümunə idi. Biz fəxr edirik ki, ölkəmizdə baş verən dəyişikliklərə, inkişafa, Azərbaycanın beynəlxalq arenada nüfuzunun artmasına az da olsa, töhfəmizi verməyi bacarmışıq. Mən əminəm ki, vəzifəsindən asılı olmayaraq, insan öz yolunu seçəndə işinə, əməlinə vicdanla yanaşmalı, qarşısına aydın məqsədlər qoyaraq buna nail olmağa çalışmalı, söz və işdə bir olmalıdır”.

Birinci vitse-prezident qeyd edib ki, rəhbərlik etdiyi Heydər Əliyev Fondu 13 ildir, fəaliyyətini humanizm prinsipləri əsasında qurub: “Bu illər ərzində biz bir çox böyük layihələr icra etmişik. Azərbaycanın ictimai-siyasi həyatında fəal iştirak edirik, infrastruktur layihələri həyata keçiririk. Eyni zamanda 13 il ərzində ayrı-ayrı insanların problemlərinə heç vaxt biganə qalmamışıq. İnsanlarla ünsiyyətdə olmaq, onları dinləmək, köməyə ehtiyacı olanlara kömək etmək, mənəvi dəstək vermək Heydər Əliyev Fondunun hər bir əməkdaşının birbaşa vəzifəsidir. Hesab edirəm ki, bu, bütün dövlət qurumlarında çalışanların əsas borcu və vəzifəsidir. Gündəlik fəaliyyətimizdə insansevərlik, mərhəmət, qarşılıqlı hörmət, mehribanlıq unudulmamalıdır. Əksinə, məhz bu mənəvi dəyərləri yüksək tutaraq ən yüksək qələbələri əldə etmək, ən böyük zirvələrə qalxmaq olar. Mən sizi əmin edirəm ki, gələcək fəaliyyətimi məhz bu prinsiplər əsasında qurmağa çalışacağam. Ölkəmizin və xalqımızın maraqlarını hər şeydən üstün tutacaq, Azərbaycana layiqli xidmət etməyə çalışacağam. Bir daha göstərdiyiniz etimada görə sizə dərin minnətdarlığımı bildirirəm”.



W1siziisijiwmtcvmdivmjevn29tejc5n2kzcv8wmdeuanbnil0swyjwiiwidgh1bwiilci2ntb4ndi2il1d?sha=ea82ea78ddeddc26

W1siziisijiwmtcvmdivmjevn2hhewd4ctnlmv8wmdkuslbhil0swyjwiiwidgh1bwiilci2ntb4ndi2il1d?sha=894c24c574627f54

W1siziisijiwmtcvmdivmjevnhprog1jzgl5df8wmdiuanbnil0swyjwiiwidgh1bwiilci2ntb4ndi2il1d?sha=8b476992d8abc97f

W1siziisijiwmtcvmdivmjevn3hymg5lanq5mf8wmdmuanbnil0swyjwiiwidgh1bwiilci2ntb4ndi2il1d?sha=def25ba5ef2f3118

W1siziisijiwmtcvmdivmjevowvrdjlungd1bl8wmdquanbnil0swyjwiiwidgh1bwiilci2ntb4ndi2il1d?sha=9dbdc8995c769fec

W1siziisijiwmtcvmdivmjevynf3cnkwzhkyxzawni5qcgcixsxbinailcj0ahvtyiisijy1mhg0mjyixv0?sha=11f101d6ce669ca4

W1siziisijiwmtcvmdivmjevntgzzxr5ahg3nf8wmdcuanbnil0swyjwiiwidgh1bwiilci2ntb4ndi2il1d?sha=ee9c3271c1876692

W1siziisijiwmtcvmdivmjevn3joynfsmhlndl8wmtbfmv8uslbhil0swyjwiiwidgh1bwiilci2ntb4ndi2il1d?sha=25755886292e619f

Digər xəbərlər

Banner