“AB Standard” holdinqinin Azərbaycan maliyyə bazarında qalan yeganə maliyyə qurumu olan “Standard Sığorta” ASC (Standard Insurance) sığorta şirkətinin rəhbərliyində bir sıra yeni təyinatlar gerçəkləşib.
FED.az Banker.az-a istinadən xəbər verir ki, Standard Insurance-nin İdarə Heyəti sədrinin müavini olan Tural Əsgərov İdarə Heyəti sədrinin birinci müavini təyin edilib.
Bundan başqa menecementin digər iştirakçıları olan İnsan Resursları Departamenti direktor vəzifəsində Nəzakət Əliyevanın yerinə Rəşid Qafarov, Korporativ satış departamenti direktor vəzifəsində Rövşən Əsgərovun yerinə Anar Xələfov təyin edilib.
Digər vəzifədə isə departament direktoru olan Abbas Misgərlinin adı yeni menecement siyahısında yer almayıb.
