"Fitch Group" Rusiyadakı kommersiya fəaliyyətini dərhal dayandırmaq barədə qərar qəbul edib.
Eləcə də bax: "Fitch" Rusiya iqtisadiyyatı üçün defolt - PROQNOZLAŞDIRIR
FED.az xəbər verir ki, "Fitch"in açıqlamasına görə, qrupun əməliyyatları kredit reytinqləri, həmçinin "Fitch Ratings" və "Fitch Solutions" vasitəsilə Rusiya Federasiyasında göstərilən digər xidmətləri əhatə edir.
Qrup ölkədən kənarda analitik hesabatlar hazırlayaraq bazara təqdim etməyə davam edəcək. Buna baxmayaraq, "Fitch" rusiyalı işçilərinə dəstək olacağını bildirib.
Xatırladaq ki, ötən həftə ABŞ-ın biznes və maliyyə xidmətləri şirkəti "Moody's Corporation" ("Moody's") da Rusiyada kommersiya fəaliyyətini dayandırdığını açıqlayıb. (Apa)
