Bu gün Türkiyə Cümhuriyyəti Mərkəzi Bankı (TCMB) ilin ən kritik yığıncağını keçirəcək. Marja xəbər verir ki, Bank faiz qərarını Bakı vaxtı ilə saat 15:00-da açıqlayacaqdır.

Eləcə də bax: Türkiyədə inflyasiya Mərkəzi Bankın - Faizini Aşdı

FED.az xəbər verir ki, keçirilmiş sorğuya görə, TCMB pul siyasəti faizini dəyişməyəcəkdir. İl sonuna dair gözlənti isə hazırda 19% səviyyəsində olan faizin 18%-ə düşəcəyi istiqamətindədir. Sorğuda iştirak edənlər Noyabr ayında ilk faiz endirimi qərarının olacağını nəzərdə tuturlar. 

TCMB-nin özünün Bazar İştirakçıları Sorğusuna görə də bu ay faiz endirimi gözlənilmir. 

İNFLYASİYA İFADƏSİNİ DƏYİŞİB

Son yığıncaqdan bu yana ən əhəmiyyətli inkişaf TCMB-nin inflyasiya ifadəsindəki dəyişiklik olub. TCMB sədri Şahap Kavcıoğlu, əsas inflyasiya göstəriciləri yerinə daha aşağı səviyyədə olan baza inflyasiyaya fokuslanmanın pandemiyadan çıxış dövründə daha uyğun olduğunu bildirib. TCMB-nin inflyasiyadakı ifadə dəyişikliyindən sonra bazarlarda bütün diqqətlər bu gün keçiriləcək yığıncağa çevrilib. İfadə dəyişikliyini faiz endirim dövrünün başlanğıc siqnalı olaraq qiymətləndirən şərhçilər çıxsa da, bazarın ümumi gözləntisi bugün faizin dəyişməz saxlanacağı istiqamətindədir. Lakin bazarın yığıncaqdan sonra Bankın açıqlamadakı mesajları diqqətlə oxuyacaqlar. Açıqlamada yaxın gələcəkdə faiz endiriminin başlayacağına işarələr ola bilər.

İNFLYASİYA FAİZİ AŞIB

Son yığıncaqdan bu yana ən mühüm hadisələrdən biri də inflyasiyanın Mərkəzi Bankın faizini aşmasıdır. Avqust ayında inflyasiya 19% olan pul siyasəti faizini üstələyib. Türkiyə Statistika Təşkilatının açıqladığı məlumatlara görə, Avqustda istehlakçı qiymətləri indeksi (inflyasiya göstəricisi) ötən ilin eyni dövrü ilə müqayisədə 19,25% artıb.(Marja)