İnformasiya Kommunikasiya Texnologiyaları Agentliyi (İKTA) sürətli poçt rabitəsi xidmətlərindən istifadə edən vətəndaşlara müraciət edib.
"Temu" bağlamaları gömrükdə ilişib qalanlar üçün çarə tapıldı
Bu barədə FED.az biznes və maliyyə xəbərləri portalına İKTA-dan bildirilib.
Qeyd edilib ki, Novruz və Ramazan bayramları ilə əlaqədar 20–30 mart tarixlərini əhatə edən qeyri-iş günləri dövründə beynəlxalq poçt göndərişlərinin emalı və çatdırılması proseslərində müvəqqəti gecikmələr müşahidə oluna bilər.
Bu baxımdan vətəndaşlara tövsiyə olunur ki, sifarişlərini planlaşdırarkən qeyd olunan dövrü nəzərə alsınlar və göndərişlərin çatdırılmasında mümkün gecikmələrə hazır olsunlar.
Poçt rabitəsi xidmətləri ilə bağlı qarşılaşdıqları çətinliklər barədə vətəndaşlar bayram günlərində də Agentliyin “E-Şikayət” sistemi vasitəsilə müraciət edə bilərlər.
