«Huawei» şirkətinin yeni flaqman smartfonunun - «Huawei Mate 50»nin təqdimat mərasimindən dərhal sonra bu smartfonların hamısı satılıb.
Yeni iPhone 14-lər təqdim edildi – ƏSAS YENİLİKLƏR VƏ QİYMƏTLƏR - FOTOLAR
FED.az xarici mətbuata istinadən xəbər verir ki, sentyabrın 6-da keçirilərək böyük marağa səbəb olan təqdimatdan və smartfonun xüsusiyyətləri açıqlandıqdan sonra həmin gün onlayn sifariş yolu ilə 2 milyon smartfona sifariş gəlib. Smartfonların satışı ilə məşğul olan «Huawei Mall», «JD.com» və «Tmall» mağazalarındakı bütün smartfon ehtiyatları satılıb və onlar satışları dayandırıblar.
Xatırladaq ki, Huawei şirkətinin Mate 50 flaqman smartfon seriyasna 4 model daxildir - Mate 50, 50 Pro, 50 RS Porsche Design və 50E. Smartfonlar bir sıra eksklüziv funksiyalar əldə ediblər. Onların arasında peyk şəbəkəsinin dəstəyi, enerjiyə yüksək səviyyədə qənaət rejmi və dəyişkən diafraqmalı kameralar var. Mate 50 smartfonları bazarda ilk dəfə peyk şəbəkəsinin dəstəyini əldə etmiş smartfonlar olub. Qeyd edək ki, bir gün sonra iPhone 14 də eyni funksiyanı təqdim edib.
Mate 50-lər Beidou adlı şəbəkə üzərindən mesajların göndərilməsini dəstəkləyirlər. Bu halda mesajlar hətta istifadəçinin mobil şəbəkə dəstəyi olmadığı ərazilərdə yerləşdiyi halda da göndərilə bilir. Məsələn hər hansı bir istifadəçi açıq dənizin ortasında kömək xarakterli mesaj göndərə bilər. Böyük ehtimalla ilk növbədə bu funksiya yalnız Çində aktiv olacaq.
Smartfonların daha bir vacib funksiyası enerjiyə yüksək səviyyədə qənaət rejimidir. Sözügedən rejim smartfonlarda enerjinin 1% olduğu zaman aktivləşir. Huawei şirkətinin verdiyi məlumata əsasən bu rejim sayəsində smartfonlar əlavə olaraq 3 saat ərzində gözləmə rejimində çalışa bilərlər. Bu isə öz növbəsində 12 dəqiqə ərzində telefon danışıqlarını reallaşdırmağa imkan verir. Şirkət həmçinin bildirib ki, bu rejim batareyanın çalışma dövrünə heç bir mənfi təsir göstərmir. Beləliklə Mate 50 modeli 90 Hz-lik təsvir yenilənməsinə sahib 2700x1224 piksel keyfiyyətli 6.7 düym, Mate 50 Pro isə 120 Hz-lik təsvir yenilənməsinə sahib 2616x1212 piksel keyfyyətli 6.74 düym OLED ekran iə təchiz olunub.
Əsas texniki göstəricilər baxımından hər iki smartfon Snapdragon 8+ Gen 1 (4G) prosessoru və 8 GB RAM ilə təchiz olunub. Mate 50 modeli 128/256/512 GB daxili yaddaşa, Mate 50 Pro isə yalnız 256/512 GB daxili yaddaşa sahibdir.
