Dünən dollar major valyutalar qarşısında bir qədər bahalaşaraq, öz mövqelərini möhkəmləndirə bildi. EURUSD valyuta cütlüyü cari həftənin əvvəlində 1.0939 səviyyəsində ticarət olunurdu. Lakin dünən məzənnə 1.0915 həddinə qədər ucuzlaşdı. GBPUSD və USDJPY valyuta cütlüklərində də eyni mənzərənin şahidi ola bilərik. Hal-hazırda onlar müvafiq olaraq 1.2820 və 147.340 səviyyələrində ticarət olunurlar.
Bugün ABŞ-da və Almaniyada dərc olunacaq inflyasiya göstəriciləri və Böyük Britaniyada açıqlanacaq əmək bazarı ilə bağlı statistik məlumatlar birjalarda volatilliyin artmasına səbəb ola biləcək əsas hadisələrdir. Qeyd edək ki, ekspertlər ABŞ-da İstehlak Qiymətləri İndeksinin aylıq ifadədə 0.4%, illik ifadədə isə 3.1% səviyyəsində artacağını proqnoz edirlər. Həmçinin baza inflyasiyanin aylıq ifadədə 0.3%, illik ifadədə isə 3.7% səviyyəsində dərc olunacağı proqnozlaşdırılır.
Əlavə olaraq qeyd etmək lazımdır ki, analitiklər Böyük Britaniyada İşsizlik Səviyyəsinin ötən ay ilə müqayisədə dəyişmədiyini, 3.8% səviyyəsində qaldığını və Almaniyada İstehlak Qiymətləri İndeksinin aylıq ifadədə 0.4% səviyyəsində, illik ifadədə isə 2.5% səviyyəsində açıqlanacağını ehtimal ediblər.
Beynəlxalq birjalarda neft qiymətləri bir qədər bahalaşıb. “Brent” markalı neftin bir barrel üçün qiyməti cari həftənin əvvəlində 82$ səviyyəsində ticarət olunsa da, hal-hazırda 83$ həddində qərarlaşıb. Bugün Bakı vaxtı ilə saat 16:00-da “OPEC” toplantısı keçiriləcək və bu hadisə “qara qızılın” qiymətinin kəskin dəyişməsində əsas amillərdən biri ola bilər.
Məlumat İnvest-AZ İnvestisiya Şirkətinin analitikləri tərəfindən hazırlanıb.
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
