Kriptovalyuta bazarında son vaxtlar baş verən ciddi qiymət dəyişiklikləri, qiymətlərin kəskin azalıb artması bu sahəyə vəsait yatırmaq istəyənləri çəkindirir. FED.az xəbər verir ki, xüsusilə bitkoinin çökməsindən (son bir ildə 6 dəfə ucuzlaşıb) sonra kriptovalyuta bazarına daha az investor pul yatırmaq istəyir. İnvestorlar təbii olaraq vəsaitlərini itirəcəklərindən və böyük zərərə düşəcəklərindən ehtiyat edirər.
Amma müşahidələr göstərir ki, kriptovalyutalar bazarında elə ucuz koinlər var ki, bunlara vəsait yatırmaq üçün cüzi məbləğÖ hətta qəpik-quruş kifayət edir. Bunların ucuzlaşmasından zərər də az olacaq, əvəzində onlar bahalaşdıqda isə bitkoindən daha sürətli qiymət artımı baş verir. Başqa sözlə, kiçik dəyərə malik olan kriptovalyutalara yatırım etmək həm təhlükəsiz, həm də qazanc gətirə bilər.
FED.az xəbər verir ki, kriptovalyuta bazarında ilk 100 kriptovalyutalar arasında dəyəri 1 sent ətrafında olan onlarla kriptovalyuta var. Bunlardan 3-nün qiyməti 1 sentdən də aşağıdır, onlar “Holo”,”Pundi X” və “Bytecoin”dir.
“Holo” bu ilin mayın 1-də yaradılıb. “Holo”un qiyməti 0,45 sentdir. Yeni biz sadəcə 10 dollar ilə 2 min 198 ədəd “Holo” ala bilərik. “Holo” ümumiyyətlə ciddi koin sayılır - hal-hazırda onun ümumi bazar dəyəri 60,6 mln dollardır və bazarda 133,2 mlrd ədəd “Holo” var. Doğrudur, yaranandan indiyədək “Holo”nun qiymətində azalma olub. Mayın 1-də qiyməti 0,733 sent idi və indiyədək təqribən 38% ucuzlaşıb. Amma qiymətinin olduqca aşağı olması ona cüzi məbləğlə də sərmayə yatırmağa imkan verir.
“Pundi X” bu il martın 22-i yaranıb, qiyməti 0,52 sentdir. Bu qiymətə 10 dollar ilə 1 923 ədəd “Pundi X” ala bilərik. “Pundi X”in ümumi bazar dəyəri 80,3 mln dollardır və bazarda hal-hazırda 154 mlrd 456 mln 842 min 351 ədəd “Pundi X” var. “Pundi X” yeni yaranarkən qiyməti 1,023 sent idi və indiyədək qiyməti 49% azalıb.
«Bytecion» kriptovalyutası bu 2014-cü ilin iyunun 17-i yaradılıb və o zaman qiyməti 0,065 sent idi. Hal-hazırda «Bytecion» un qiyməti 0,579 sentdir. Başqa sözlə, indiyə qədər 8,91 dəfə bahalaşıb. Bu gün «Bytecion»un bazar dəyəri 106,5 mln dollardır və bazarda 184,1 mlrd ədəd “Bytecion” var. Biz 10 dollar ilə bu gün 1 727 ədəd “Bytecion” ala bilərik.
Digər kriptovalyutaların dəyəri 5 sentə qədərdir bunlar aşağdakılardır:
«ReddCoin» 2014-cü ilin fevralında yaradılıb. İlk qiyməti 0,035 sent olub, bu günə qədər 32 dəfə bahalaşaraq 1,14 sent olub. 10 dollar ilə bu gün 880 ədəd “ReddCoin” almaq olar. Bu gün “ReddCoin”in bazar dəyəri 32 mln 757 min 162 dollardır və bazarda 28,8 mlrd ədəd “ReddCoin” var.
«Dogecoin» düz 5 il bundan əvvəl, 2013-cü il dekabrın 15-i yaradılıb. Yaradılarkən qiyməti 0,55 sent idi. Bu günə qədər 3,5 dəfə bahalaşaraq 2,1 sent olub. Biz 10 dollarla 476 ədəd «Dogecoin» ala bilərik. Bu gün bazarda 117,4 mlrd ədəd «Dogecoin»in var və bazar dəyəri 246,4 mln dolllardır.
«Siacoin» 2015-ci ilin avqustunda yaradılıb və o zaman bazar dəyəri 0,046 sent olub, bu gün isə qiyməti 52 dəfə artaraq 2,4 sent olub. Biz bu gün 10 dollar ilə 476 ədəd «Siacoin» ala bilərik. Bazarda hal-hazırda 38,4 mlrd ədəd «Siacoin» var və bazar dəyəri 92,25 mln dollardır.
«VeChain» bu il avqustun 3-ü yaradılıb və yaranarkən qiyməti 1,5 sent olub. Bu gün isə qiyməti 2,46 dəfə artaraq 3,7 sent olub və 10 dollar vastəsilə 270 ədəd «VeChain» almaq olar. «VeChain»in bazar dəyəri 205,6 mln dollardır və bazarda 55,5 mlrd ədəd «VeChain» var.
«İOST» bu il yanvarın 16-ı yaradılıb və qiyməti həmin zaman 23,525 sent ikən, bu gün 5,95 dəfə azalaraq 3,95 sent olub. 10 dollar ilə bu gün 253 ədəd «İOST» almaq olar. «İOST»un bazar dəyəri bu gün 47,4 mln dollardır və bazarda 12 mlrd ədəd «İOST» var.
«ProximaX» bu il avqustun 9-da yaradılıb və o zaman bazar dəyəri 5 sent olarkən, bu gün «ProximaX»in qiyməti 2% azalaraq 4,9 sent olub. Bu gün 10 dollar ilə 203 ədəd «ProximaX» alamaq olar. «ProximaX» bu gün bazar dəyəri 30 mln dollardır və bazarda 6,1 mlrd ədəd «ProximaX» var.
«Verge» 2014-cü il oktyabrın 24-ü yaradılıb və o zaman qiyməti 0,007 sent olub. Bu gün «Verge»in qiyməti 824 dəfə artaraq 5,8 sent olub. Bu gün 10 dollar ilə 173 ədəd «Verge» almaq olar. «Verge»in bu gün bazar dəyəri 87,5 mln dollardır və bazarda 15,2 mlrd ədəd «Verge» var.
FED.az-ın «Birja» xəbərlərini Azərbaycanın aparıcı investisiya şirkəti olan PSG-Kapital Investisiya şirkəti təqdim edir.
