Kriptovalyuta bazarında əsas aktivlərin qiymətində azalma davam edir.
FED.az xəbər verir ki, “CoinMarketCap” platformasının məlumatına əsasən, “Bitcoin”in qiyməti son 24 saatda 0,84% azalaraq 64 354,46 ABŞ dollarına enib. Son 7 gündə qiymət itkisi 12,60% təşkil edib.
“Ethereum”un qiyməti 1,34% azalaraq 1 803,38 dollara, BNB-nin qiyməti 0,35% geriləyərək 591,36 dollara düşüb. “Bitcoin Cash”in qiyməti 0,25% azalaraq 208,44 dollara, “Quant”ın qiyməti isə 0,46% geriləyərək 152,72 dollara enib.
Bununla yanaşı, bəzi kriptovalyutalarda qiymət artımı qeydə alınıb. “Zcash”ın qiyməti 3,48% artaraq 952,41 dollara, “Monero”nun qiyməti 2,80% yüksələrək 506,96 dollara çatıb. “Bittensor”un qiyməti isə 1,35% artaraq 195,86 dollar təşkil edib.
Qızıl əsaslı kriptovalyutalarda da azalma müşahidə olunub. “PAX Gold”un (PAXG) qiyməti 2,04% azalaraq 3 775,92 dollara, “Tether Gold”un (XAUT) qiyməti isə 2,06% geriləyərək 3 773,99 dollara düşüb.
Kriptovalyuta bazarının ümumi kapitallaşması son sutkada 0,54% azalaraq 2,19 trln. dollar təşkil edib. “CoinMarketCap 20” indeksi 0,61% geriləyərək 129,51 bəndə enib.
Son 24 saatda kriptovalyuta bazarında likvidasiyaların həcmi 46,56% artaraq 381 mln. dollara çatıb. Bazar iştirakçılarının əhvali-ruhiyyəsini əks etdirən “Qorxu və tamah” indeksi isə 13 bəndə düşüb ki, bu da bazarda həddindən artıq qorxu vəziyyətini göstərir.
Analitiklərə görə, kriptovalyuta bazarında davam edən eniş investorların riskli aktivlərə marağının zəifləməsi və satış təzyiqinin qalması ilə əlaqəli ola bilər. Likvidasiyaların artması və qorxu indeksinin aşağı səviyyədə olması bazarda qeyri-müəyyənliyin yüksək qaldığını göstərir.














