Krossover 2.0 litrlik benzin mühərriki və hibrid sistemlə təchiz olunub.

Yaponiyanın «Toyota» şirkəti ABŞ bazarı üçün 2027 Corolla Cross modelini təqdim edib.

Yeni “BMW 3” avtomobili “Mercedes C-Class” və “Audi A5”ə qarşı: MÜQAYİSƏ, QİYMƏTLƏR

«Temu»-dan gələn «Range Rover» - Birdəfəyə 1200 km gedir – Satışlarda birincidir - FOTOLAR

Yeni 2027 Hyundai Tucson təqdim edildi – GÖSTƏRİCİLƏR – FOTO

FED.az xəbər verir ki, kompakt krossover texniki cəhətdən demək olar ki, dəyişməz olaraq qalır və əksər xüsusiyyətlərini qoruyub saxlayır, lakin «Toyota» öz komplektasiya sırasını yenidən nəzərdən keçirib və qiymətləri qaldırıb. 

Ən əhəmiyyətli dəyişiklik hibrid versiyası ilə bağlıdır: o, ən əlverişli S komplektasiyasını itirib. Belə ki, indi «Corolla Cross Hybrid» variantı yalnız SE və XSE komplektasiyalarında təklif olunur.

Benzinlə işləyən «Corolla Cross» 169 at gücünə malik 2,0 litrlik dörd silindrli mühərriklə təchiz olunub. O, mexaniki birinci ötürücülü fasiləsiz dəyişən transmissiya (CVT) ilə birləşdirilib. Bu modeldə ön və tam ötürücülü varinatlar mövcuddur.

Hibrid güc aqreqatı 196 at gücü istehsal edir və bu model standart olaraq tam ötürücülüdür. Hibridin ümumi yanacaq sərfiyyatının 100 km-ə 5,6 l olduğu iddia edilir.
İnteryerdə ciddi dəyişiklik baş verməyib. Baza modelləri 8 düymlük məlumat-əyləncə sistemi ilə təchiz olunub. Modelin LE və Hybrid SE komplektasiyalarında 10,5 düymlük displey, XLE və Hybrid XSE komplektasiyalarında isə 12,3 düymlük rəqəmsal cihaz paneli mövcuddur.

Maşında simsiz «Apple CarPlay» və «Android Auto» modellər mövcuddur. Elektron sürücü yardım sistemləri dəsti olan «Toyota Safety Sense 3.0» da əlavə ödənişsiz mövcuddur. Buraya adaptiv kruiz-kontrol, zolaq saxlama köməkçisi, avtomatik uzaq işıqlar, yol nişanlarının tanınması və piyada aşkarlanması ilə toqquşmanın qarşısını alan sistem daxildir.

2027-ci il «Toyota Corolla Cross»un ön çəkən L variantının qiyməti 25 535 dollardan başlayır, ən ucuz hibrid isə 31 415 dollardır.