Əmlak Məsələləri Dövlət Xidməti tərəfindən 1 iyul 2025-ci il tarixində saat 10:00-da dövlət qurumlarının balansında olan müxtəlif markalı avtomobillər hərraca çıxarılacaq.

Dövlətə məxsus ucuz maşınlar - HƏRRACDA SATILIR, SİYAHI

FED.az xəbər verir ki, hərracda ümumilikdə 12 nəqliyyat vasitəsi satışa təqdim olunacaq. Buraya BMW, Toyota, Volkswagen, Nissan, Hyundai, Honda və Khazar kimi məşhur markalara məxsus avtomobillər daxildir.

Hərraca çıxarılan avtomobillər müxtəlif dövlət qurumlarının balansına aiddir. Bu qurumlara Azərbaycan Respublikasının Diasporla İş üzrə Dövlət Komitəsi, Hesablama Palatası, Nazirlər Kabinetinin İşlər Müdiri və Əmlak Məsələləri Dövlət Xidmətinin tabeliyində fəaliyyət göstərən “Korporativ İdarəetmənin Təşkili və Koordinasiya Mərkəzi” publik hüquqi şəxs daxildir.

Nəqliyyat vasitələrinin buraxılış illəri 2000-dən 2018-ə qədər olan dövrü əhatə edir. Ən yüksək start qiyməti ilə satışa çıxarılan avtomobil BMW 760LI-dir. Bu model 2006-cı ildə istehsal olunub və 12,000 manat start qiyməti ilə hərraca təqdim edilir. Toyota Camry markalı avtomobillər də yüksək qiymətlərlə satışa çıxarılıb. 2014-cü il istehsalı olan bu nəqliyyat vasitələrinin biri 21,000, digəri isə 21,500 manat dəyərindədir.

Ən münasib qiymətə hərraca çıxarılan nəqliyyat vasitəsi 2000-ci il istehsalı olan Nissan Pathfinder-dir. Bu avtomobil 5,000 manat start qiyməti ilə təklif olunur. Onu da qeyd edək ki, siyahıda start qiyməti 5,200 manat olan 2018-ci il istehsalı olan Khazar markalı avtomobil də yer alır.

10% məbləğində beh Mərkəzi Bankda – AZ65NABZ01361150000000004944 nömrəli hesablaşma hesabına ödənilməlidir.

Əmlak Məsələləri Dövlət Xidməti tərəfindən 1 iyul 2025-ci il tarixində saat 10:00-da hərraca çıxarılan nəqliyyat vasitələrinin siyahısı: