İyunun 10-da dövlət mülkiyyətinə keçmiş nəqliyyat vasitələrinin genişmiqyaslı hərracı keçiriləcək.

AYNA ucuz avtomobillərinə hərracda alıcı tapdı - QİYMƏTLƏR, SİYAHI

FED.az xəbər verir ki, Əmlak Məsələləri üzrə Dövlət Xidməti tərəfindən təşkil olunacaq bu hərraca dövlət mülkiyyətinə keçən 98 ədəd avtomobil çıxarılacaq.  

Hərrac yarım saat fərqlə iki hissəyə bölünməklə keçiriləcək. Birinci hissədə 55 ədəd avtomobil hərraca çıxarılacaq. Satışa çıxarılan nəqliyyat vasitələrinin ümumi start qiyməti 111 min 150 manat təşkil edir. Təqribi hesablamalara görə, bu qrupda bir avtomobilin orta qiyməti cəmi 2021 manat təşkil edir. Bu qrupda əsasən sovet istehsalı olan Lada, Gaz, Zil, Uaz və digər modellər üstünlük təşkil edir. Qeyd edək ki, avtomobillər 3-cü dəfə 10% endirimlə təkrar hərraca çıxarılır.

İkinci hərrac mərhələsində daha yüksək səviyyəli nəqliyyat vasitələri – Audi, Lexus, Mercedes-Benz, BMW, Mazda və Jeep kimi markaların modelləri təqdim ediləcək. Ümumi start qiyməti 83 min manat olan 19 avtomobil hərraca çıxarılacaq. Bu partiyada təqribi bir avtomobilin dəyəri 4 368 manat civarındadır. Bu qiymətlər ikinci əl bazarında eyni sinif avtomobillərlə müqayisədə daha aşağıdır.

Əlavə olaraq daha sərfəli, əsasən şəhərdaxili istifadəyə uyğun 24 maşın da təqdim ediləcək. Volkswagen Passat, Opel Vectra, Ford Transit və Nissan Liberty kimi modellər burada yer alır. Ümumi qiyməti 35 min manat olan bu dəstdə avtomobillərin təqribi 1 ədədinin qiyməti 1 458 manat təşkil edir. Bu mərhələ alıcılara az büdcə ilə avtomobil sahibi olmaq şansı verir.

Behin köçürülməsi üçün hesab nömrəsi:

"Azər-Türk Bank" ASC, Kod 507699, VÖEN 9900006111,                

Müxbir hesab: AZ02NABZ01350100000000022944, SWİFT AZRTAZ22            

Vəsaiti alan: Hərracların Təşkili Mərkəzi PHŞ               

İBAN nömrəsi: AZ74AZRT38090019440265368001  VÖEN 1505677031

Daha detallı:

10 iyun 2025-ci il tarixində saat 11:00-da hərraca çıxarılacaq dövlət mülkiyyətinə keçən əmlakların siyahısı:

Avtomobillərin start qiyməti – 111 150 manat , beh məbləği (10%) – 11 115 manat

3-cü dəfə 10% endirimlə təkrar hərraca çıxarılır.

Təqribi 1 avtomobilin qiyməti – 2 021 manat

**

10 iyun 2025-ci il tarixində saat 11:30-da hərraca çıxarılacaq dövlət mülkiyyətinə keçən əmlakların siyahısı:

Avtomobillərin start qiyməti – 83 000 manat, beh məbləği (10%) – 8 300 manat

Təqribi 1 avtomobilin qiyməti – 4 368 manat

Avtomobillərin start qiyməti – 35 000 manat , beh məbləği (10%) – 3 500 manat

Təqribi 1 avtomobilin qiyməti – 1 458 manat