2025-ci il 7 may tarixində saat 11:00-da dövlət mülkiyyətinə keçən nəqliyyat vasitələrinin satışı üzrə növbəti hərrac keçiriləcək.

Ləğv prosesində olan sığorta şirkətinin avtomobilləri 2 300 manata satıldı - DETALLAR

FED.az xəbər verir ki, hərraca çıxarılan əmlaklar sırasında ümumilikdə 55 ədəd nəqliyyat vasitəsi yer alır.

Nəqliyyat vasitələrinin saxlanma yeri Hərracların Təşkili Mərkəzinin təyin etdiyi ünvan olaraq göstərilib. Satışa çıxarılan nəqliyyat vasitələrinin ümumi start qiyməti 123 min 500 manat təşkil edir. Qanunvericiliyə əsasən, hərracda iştirak etmək istəyən şəxslər ilkin qiymətin 10 faizi həcmində – yəni 12 min 350 manat beh ödəməlidirlər.

Beləliklə, bir avtomobilin orta start qiyməti təxminən 2 min 245 manat civarındadır. Bu isə dövlət balansına keçmiş nəqliyyat vasitələrinin bazar dəyərindən aşağı qiymətlə satışa çıxarılacağını göstərir.

Hərracda iştirak etmək istəyən hüquqi və fiziki şəxslər Əmlak Xidmətləri Məkanına (Bakı şəhəri, Nizami rayonu, Xəlil Rza Ulutürk küçəsi 20 ünvanında) və ya e-emlak.gov.az portalı vasitəsilə müraciət edə bilərlər. Sifarişlər hərracdan ən geci 3 bank günü əvvəl qəbul olunur.

Əlaqəli şəxs olaraq Əsgərov Şahinin (050 365 19 63) əlaqə nömrəsi göstərilib. Hərracın detallı siyahısı və satılacaq avtomobillərin modeli isə əlavə olunan siyahıda təqdim ediləcək.

Behin ödənilməli olduğu bank rekvizitləri aşağıdakı kimidir:

Hesab nömrəsi:
"Azər-Türk Bank" ASC
Bank kodu: 507699
VÖEN: 9900006111
Müxbir hesab: AZ02NABZ01350100000000022944
SWİFT: AZRTAZ22

Vəsaiti alan: Hərracların Təşkili Mərkəzi PHŞ
İBAN nömrəsi: AZ74AZRT38090019440265368001
VÖEN: 1505677031

Dövlət mülkiyyətinə keçən  əmlakların siyahısı: