“Ural Hava Yolları” aviaşirkəti may-iyun aylarında Rusiyanın bir neçə şəhərində Bakıya birbaşa reyslər açacaq.
Eləcə də bax: Rusiyanın daha dörd şəhərindən Bakıya uçuşlar - Bərpa Olunur
“Mayın 29-dan Krasnoyarsk-Bakı, mayın 31-dən – Omsk-Bakı, Novosibirsk-Bakı, Nijniy Novqorod- Bakı marşrutları ilə həftəlik yeni birbaşa uçuşlar açırıq”, - Rusiya mətbuatı aviaşirkətin mətbuat xidmətinə istinadən məlumat verib.
Bundan başqa, iyunun 3-dən aviaşirkət Min Vodı və Perm şəhərlərindən Bakıya, iyunun 4-dən –Samaradan Bakıya reyslər açacaq.
“Ural Hava Yolları”nın parkında lizinq şərtləri ilə 50 ədəd A320 Airbus təyyarəsi var. Bu günə şirkət 200-dən artıq marşruta xidmət edir.
Hazırda “Ural Hava Yolları” aviaşirkəti Yekaterinburq-Bakı-Yekaterinburq marşrutu üzrə çarter reysləri həyata keçirir. Reyslər martın 11-dən yerinə yetirilir.
Şirkətin məlumatına görə, hazırda bəzi kateqoriyadan vətəndaşlar Azərbaycana buraxılır. Həmin şəxslərə uçuişdan 48 saat öncə verilən COVİD-19 koronavirusla bağlı mənfi nəticəsi olan PZR test tələb olunur. Test Azərbaycan tərəfinin akkreditasiyadan keçmiş laboratoriyalarında verilməlidir.
Azərbaycandan Rusiyaya daxil olma əsası olan vətəndaşlar uça bilərlər. Hava limanına təyyarənin Bakıdan yola düşməsindən ən azı 4 saat əvvəl gəlmək lazımdır. Həmçinin koronavirusla bağlı PZR testləri də tələb olunur. (İnterfaks)
